სკოლა „ერუდიტში“ სოხუმის დაცემასთან დაკავშირებით ჩატარდა საგანმანათლებლო ღონისძიება. ქართული ენისა და ლიტერატურის მასწავლებელმა ელენე ბახიამ და ისტორიის პედაგოგმა სანდრო ცუცქირიძემ მოსწავლეებს წარუდგინეს ინფორმაციული პრეზენტაციები.
ახალგაზრდებმა მოისმინეს როგორც ისტორიული ფაქტები, ისე ამ თემაზე შექმნილი ლიტერატურული ნიმუშები. მათ შორის იყო ნუგზარ შატაიძის მოთხრობა „მოგზაურობა აფრიკაში“, გურამ ოდიშარიას „სოხუმში დაბრუნება“, მურმან ლებანიძისა და შოთა ნიშნიანიძის ლექსები, აგრეთვე ესპანელი პოეტის ხუან ფრან ნუნიეს პარენიოს ლექსი აფხაზეთზე.
ღონისძიების მიზანი იყო ახალგაზრდებისთვის ისტორიული მეხსიერების შენარჩუნება და ქვეყნისადმი სიყვარულის გაძლიერება.
