გაეროს ინიციატივით 11 თებერვალი „მეცნიერ ქალთა და გოგონათა საერთაშორისო დღეა.“
სკოლა „ერუდიტი“ გამოეხმაურა გაეროს ინიციატივას.
ამ დღის აღნიშვნის მიზანია: მეცნიერებასა და განათლებაში ქალების თანასწორუფლებიანობის ხელშეწყობა.
გაერო იმედოვნებს, რომ სქესთა შორის განსხვავება აღმოიფხვრება და ის ახალგაზრდა ქალებისთვის მეტად ხელმისაწვდომი გახდება.
 

სკოლა „ერუდიტში“ „უსაფრთხო ინტერნეტის საერთაშორისო დღე“ ავღნიშნეთ.
სკოლის IT მენეჯერმა და საგან კოდირების პედაგოგმა ალექსანდრე ქუთათელაძემ გამართა შეხვედრა V-VI კლასის მოსწავლეებთან, რომლის მთავარი მიზანია ცნობიერების ამაღლება ციფრულ სამყაროში არსებული რისკებისა და საფრთხეების შესახებ.
 

ციფრული ტექნოლოგიების როლი მნიშვნელოვანია მათემატიკურ და რეალურ პრობლემაზე მუშაობისას: მე-11 კლასის მოსწავლეებმა შეძლეს კომპიუტერული სიმულაციების (desmos.com) გამოყენება. პრობლემიდან გამომდინარე სიტუაციის თვალსაჩინო წარმოდგენა და ინტერპრეტაცია. ტექნოლოგიების საშუალებით ზუსტი და მიახლოებითი გამოთვლების შესრულება; 

VIII კლასის მოსწავლეებმა ფიზიკის გაკვეთილზე შექმნეს კატაპულტის მოდელი. ხელნაკეთი მოდელის შექმნას უდიდესი შემეცნებითი მნიშვნელობა აქვს, ეს ერთგვარი შემოქმედებითი სამუშაო იყო და როგორც თვითონ აღნიშნეს სასიამოვნოც. მათ სიამაყით წარმოადგინეს საკუთარი მოდელები, მოდელები იმდენად სრულყოფილია, რომ სკოლა წარმატებით გამოიყენებს მათ სასკოლო ლაბორატორიაში.
 

VII კლასის მოსწავლეებმა ფიზიკის გაკვეთილზე წრფივი თანაბარი მოძრაობის შესწავლა შეაჯამეს პრობლემაზე დაფუძნებული ამოცანის „დავეხმაროთ მაშველს“ გადაჭრით. ამ დავალებით შეაფასეს სხეულთა სიჩქარის როლი ბუნებასა და ყოფაცხოვრებაში, მათ შეძლეს სხეულის მოძრაობის დამახასიათებელ პარამეტრებზე -ტრაექტორია, გავლილი გზა, ათვლის სხეული, ნივთიერი წერტილი, გადაადგილება, სიჩქარე, საშუალო სიჩქარე, ინერცია- მსჯელობა.