ყოველდღიურ ცხოვრებაში სასარგებლო ხახუნის გაძლიერება ან საზიანო ხახუნის შემცირება რომ შევძლოთ, უნდა ვიცოდეთ ხახუნის ძალის სხვადასხვა პარამეტრებზე დამოკიდებულება.
VII კლასის მოსწავლეები ფიზიკის გაკვეთილზე დაიყვნენ ჯგუფებად და ექსპერიმენტით დაადგინეს რომ ჰორიზონტალურ ზედაპირზე სრიალის ხახუნის ძალა სიმძიმის ძალის პირდაპირ პროპორციულია, დამოკიდებულია შემხები ზედაპირების დამუშავების ხარისხზე და არ არის დამოკიდებული ზედაპირებთან შეხების ფართობზე.
 

IV კლასის მოსწავლეებმა მათემატიკის გაკვეთილზე იმუშავეს წყვილებში, თემაზე ნაშთიანი გაყოფა.
წყვილებში მუშაობა კომუნიკაციისა და თანამშრომლობითი უნარების განვითარებისთვის სწავლების ერთ-ერთი ფორმაა.
წყვილებში მუშაობისას უსმენენ განსხვავებულ აზრებს, ერთად ეძებენ და პოულობენ პრობლემის გადაჭრის გზებს, სწავლობენ ერთად მუშაობას.
 

V და VI კლასის მოსწავლეებმა გერმანული ენის გაკვეთილზე შეისწავლეს ფერები.
ნასწავლი ფერების გამოყენებით შექმნეს ნახატები მათთვის საინტერესო თემებზე, რამაც საგაკვეთილო პროცესი მეტად სახალისო გახადა.
 

IV კლასის მოსწავლეებმა ქართული ენისა და ლიტერატურის გაკვეთილზე შეისწავლეს ნოდარ დუმბაძის ნაწარმოებები - "თევზაობა" (ნაწყვეტი მოთხრობიდან "კუკარაჩა").
მოსწავლეებმა იმუშავეს ჯგუფებში, მოიძიეს ბიოგრაფიული ცნობები, წარმოადგინეს პრეზენტაციის სახით და გამართეს დისკუსია.
 

სკოლის პრიორიტეტებიდან გამომდინარე, ვაგრძელებთ ჩვეულ ტრადიციას და მშობლებთან თანამშრომლობის მიზნით, მათ აქტიურად ვრთავთ სასწავლო პროცესში მასწავლებელთა მოკავშირეებად. ჩვენ ერთად ვემსახურებით საერთო მიზანს - მოსწავლის ნიჭის გამოვლენის ხელშეწყობასა და წარმატებისკენ სწრაფვას. სწორედ ამ მიზანს ემსახურებოდა სკოლა "ერუდიტში" საბაზო და საშუალო საფეხურის მოსწავლეებთან შეხვედრა - NLP პრაქტიკოს, ქოუჩი პირადი განვითარების სფეროში, სერთიფიცირებულ ტრენერთან, პროფესიული განვითარების ტრენინგ ცენტრის აღმასრულებელ დირექტორთან ქალბატონ ნინო ძოწენიძესთან .