II კლასი - ,,პინოქიოს თავგადასავალი”
მოსწავლეებმა ქართული ენის გაკვეთილზე ისწავლეს კარლო კოლოდის ზღაპარი ,,პინოქიოს თავგადასავალი” ( IX თავი) და ,,პერსონაჟის რუკის” დახმარებით, დაახასიათეს მთავარი პერსონაჟი - პინოქიო; მოიყვანეს არგუმენტები.
აქტივობა ხელს უწყობს: ტექსტის გაგება-გააზრებას, არგუმენტირებისა და პერსონაჟის მიმართ დამოკიდებულების გამოხატვის უნარის განვითარებას.
 

I კლასის მოსწავლეებმა წინასაანბანო პერიოდში შეისწავლეს წელიწადის სეზონები და მათი დამახასიათებელი ფერები, ნიშან-თვისებები. თეორიულად ნასწავლი გადაიტანეს ფურცლებზე, რაც ხელს უწყობს შეძენილი ინფორმაციის ვიზუალიზაციას და უკეთ დამახსოვრებას.

ინგლისური ენის გაკვეთილზე III კლასის მოსწავლეებმა საკუთარ თავზე ისაუბრეს, მცირე ანკეტები შეავსეს და კლასს წარუდგინეს.
მოცემული აქტივობა ავარჯიშებს როგორც წერით, ასევე პრეზენტაციის წარდგენის უნარებსაც.
 

ინგლისური ენის გაკვეთილზე I კლასის მოსწავლეებმა შეისწავლეს ემოციები და მათი გამოხატვის გზები.
გამოჭრეს, იპოვეს შესაბამისობები და განასახიერეს ისინი.
აქტივობა საშუალებას აძლევს მოსწავლეებს მოტორული უნარების განვითარებასთან ერთად, შეისწავლონ ემოციების გამოხატვა უცხო ენაზე.
 

მე და საზოგადოების გაკვეთილზე IV კლასის მოსწავლეებმა წარმატებული მოსწავლის პორტრეტი შექმნეს და საკუთარი ნამუშვრები ერთმანეთს გააცნეს.
საგაკვეთილო საათის მიზანი მოსწავლეთა მოტივაციის ამაღლება და წარმატების მნიშვნელობის გააზრება იყო;
პედაგოგი: მარიამ ლომიძე