III კლასი
მოსწავლეებმა ამოირჩიეს ფურცლებზე დაწერილი სიტყვები და თითოეულ სიტყვაზე მოიფიქრეს წინადადებები, რომლებიც სიკეთესა და რჩევას გამოხატავდა.
 

I კლასი
სადამრიგებლო საათზე მოსწავლეებმა სტუმრად მოიწვიეს ჩვენი სკოლის ექიმი.
ისაუბრეს პირად ჰიგიენასა და თავის მოვლაზე.
მოსწავლეებმა გააფერადეს ჰიგიენასთან დაკავშირებული სურათები.
 

VI კლასის მოსწავლეებმა სახვითი და გამოყენებითი ხელოვნების გაკვეთილზე საკლასო ოთახი გადააქციეს ყვავილების სამყაროდ.
Იდეა იყო ბუნების დაცვა და იკებანას ხელოვნების გაცნობა.
Იაპონურ ენაზე " Იკე"- სიცოცხლეს ნიშნავს "ბანა"- კი ყვავილებს.
პედაგოგი: ხათუნა თეთრაშვილი

IV კლასის მოსწავლეებმა ქართული ენისა და ლიტერატურის გაკვეთილზე ზღაპარ "ირმისას" აფიშა შექმნეს.
მხატრულად გააფორმეს და ყველა საჭირო ინფორმაცია ჩაწერეს.
მოსწავლეებისთვის გაკვეთილი სახალისო და საინტერესო გახდა.
გაკვეთილის მიზანია: ტექსტში ვერბალური და არავერბალური ფორმით მოწოდებული ინფორმაციის (ილუსტრაციისა და ტექსტის) ურთიერდაკავშირება.
პედაგოგი: რიტა ჩაკვეტაძე

სკოლა „ ერუდიტში“ გრძელდება არჩევითი საგნის „ მეწარმეობის საფუძვლები“ სწავლება, „ჯუნიორ ეჩივმენთ საქართველოსთან/ JAGeorgia“ თანამშრომლობით.
პროგრამის ფარგლებში მოსწავლეებს ეძლევათ საშუალება ჩამოაყალიბონ ე.წ. „მოსწავლეთა კომპანიები“ და მართვის მაგალითზე გაეცნონ სამეწარმეო საქმიანობის ძირითად საკითხებს;
აღნიშნული სწავლების მიზანია:
ბიზნესისა და ეკონომიკის საბაზისო საფუძვლების შესწავლა მოქმედებაში (პრაქტიკაში);
მოსწავლეებისთვის მეწარმეობის პრაქტიკული უნარ-ჩვევების გამომუშავება;
განათლების მიღების მოტივაცია და საერთო პროფესიული უნარების განვითარების სტიმულირება;
პირობების შექმნა პიროვნული, საქმიანი და ლიდერული თვისებების განვითარებისთვის;
ბიზნესისა და საზოგადოების წარმომადგენლების ჩართვა საგანმანათლებლო პროცესში და სხვა;
მოსწვალეთა ჩართულობისა და მოტივაციის ამაღლების მიზნით სკოლა „ერუდიტის“ 2022-2023 სასწავლო წლის წარმატებულმა მოსწავლეთა მინი კომპანია ლუპი.Lupi -ს წარმომადგენლებმა X კლასის მოსწავლეებთან შეხვედრა გამართეს და გაუზიარეს მიღებული გამოცდილება; ისაუბრეს იმ ცოდნისა და უნარების პრაქტიკულ მნიშველობაზე, რაც ამ პროგრამის ფარგლებში შეიძინეს.