სკოლა ,,ერუდიტში” დიდი ზეიმია!
ყველასათვის (განსაკუთრებით, ბავშვებისთვის) საყვარელი მწერლის - ასტრიდ ლინდგრენის დაბადების დღე აღინიშნა.
დაწყებითი კლასების (II, III, IV, V, VI) მოსწავლეებმა მწერლის წიგნებიდან მათთვის საყვარელი პერსონაჟები (პეპი გრძელწინდა და კარლსონი) გააცოცხლეს.
მოაწყეს მხიარული ვარცხნილობებისა და ჩაცმულობის დღე.
რადგანაც ასტრიდის ერთ-ერთ პერსონაჟს ძალიან უყვარს უცნაური კერძების დამზადება, ჩვენმა მოსწავლეებმაც მოამზადეს ,,უცნაური კერძები”.
პეპის ძალიან მოსწონს თავგადასავლები, სწორედ ამიტომ, მოსწავლეები ,,საგანძურის პოვნის” აქტივობაში ჩაერთვნენ. მათ მასწავლებლებმა მოუმზადეს დაშიფრული დავალებები, დამალეს სკოლის ტერიტორიაზე და მინიშნებებით მიაკვლიეს ,,საგანძურს”.
პეპის, აგრეთვე, ძალიან უყვარს თამაშების მოწყობა. მასწავლებლებმა, მოსწავლეებთან ერთად, მოაწყეს "ჩემი ბავშვობის თამაში” (,,კლასობანა”).
აქტივობა ,,ხელოვნება და ხელობა".
ყველამ ვიცით პეპის მხატვრული ნიჭის შესახებ. ჩვენც მოსწავლეებს მივეცით შესაძლებლობა, აღმოეჩინათ და გამოევლინათ ეს ნიჭი თავიანთ თავებში.
აღნიშნული აქტივობები ეხმარებათ ჩვენს მოსწავლეებს, მეტად შეიგრძნონ ასტრიდ ლინდგრენის საოცარი შემოქმედება, მასში ასახული ჯადოსნური სამყარო და განივითარონ შემოქმედებითი თუ წარმოსახვის უნარები.
 

VIII კლასის მოსწავლეებმა წარმოადგინეს პრეზენტაციები თემებზე: სწრაფი კვება: McDonald's, KFC, სოციალური მედიის ზეგავლენა ადამიანებზე, კომუნიკაციის განვითარების გზები, ფაქტები სამყაროსა და კოსმოსის შესახებ.
მოსწავლეების მიერ წარდგენილი პრეზენტაციები და თემის სტრუქტურა ნათლად და ლოგიკურად იყო აწყობილი. თითოეული მოსწავლის ნამუშევარი გამოირჩეოდა არა მარტო თემის ცოდნით, არამედ შესაბამისი საკომუნიკაციო უნარების გამოვლინებითაც. მოსწავლეებმა წარმატებით გამოიყენეს ინგლისური ენა, სწორად ისაუბრეს საკვანძო საკითხებზე, გამოიყენეს ახალი სიტყვები და ფრაზები თემების უკეთ წარმოსაჩენად.
 

სტრიდ ლინდგრენი.
V კლასის მოსწავლეებმა ,ყველასათვის საყვარელი მწერლის დაბადების დღე აღნიშნეს:
მოიძიეს ბიოგრაფიული ცნობები მწერლის შესახებ, გააკეთეს პოსტერი და კლასში პრეზენტაცია გამართეს.
IV კლასის მოსწავლეებმა ასტრიდის მოთხრობა"დეტექტივი კალე ბლუმკვისტი"კლასში წაიკითხეს და 13 წლის დეტექტივის თავგადასავალში "იმოგზაურეს".
 

ადამიანის უფლებები ის ძირითადი სტანდარტებია, რომელიც საზოგადოებისთვის ღირსეული და დაცული ცხოვრების გარანტიას ქმნის.
IX კლასის მოსწავლეებმა წარმოადგინეს პრეზენტაციები ადამიანის უფლებების დაცვის შიდასახელმწიფოებრივ და საერთაშორისო მექანიზმებზე;
მოსწავლეები გაეცნენ და დაამუშავეს საკითხები:
საქართველოს კონსტიტუციონალიზმის ისტორია;
საქართველოს კონსტიტუციის მეორე თავი;
ადამიანის უფლებათა საყოველთაო დეკლარაცია;
ადამიანის უფლებათა ევროპული კონვენცია;
სეგრეგაცია;
საქართველოს სასამართლო სისტემის, ადამიანის უფლებათა დაცვის ევროპული სასამართლოს ფუნქციები და სხვა;
სწორად გაცნობიერებული უფლებები და ვალდებულებები გვაძლევს ჯანსაღ სამოქალაქო საზოგადებას.
 

IV კლასი
სადამრიგებლო საათი-"ჰობი და ინტერესები"
მოსწავლეებმა კლასის საათზე ისაუბრეს თუ რას ნიშნავს ჰობი და ინტერესები. ჩამოთვალეს რა არის მათი ჰობი.
იმსჯელეს ინტერესების შესახებ რა დროს უთმობენ მას და რა მნიშვნელოვანია როგორ დაეხმარებათ მომავალში პროფესიების შერჩევისა.
.დაფიქრდნენ კიდეც, რომ ამდენი რამ ერთმანეთის შესახებ არც კი იცოდნენ.