პირველი კლასის მოსწავლეები ესტუმრნენ მოზარდმაყურელთა თეატრს და ნახეს სპექტაკლი “თაგუნიები და ყველი”.
აღფრთოვანებულები დაბრუნდნენ საკლასო
ოთახში და თავიანთი ემოციები ნახატებად აქციეს
გაიხსენეს, განიხილეს ნანახი და გაგვიზიარეს თავიანთი ემოციები. პირადად გაიცნეს, გაესაუბრნენ მსახიობებს და მათთან სამახსოვრო
ფოტოებიც
გადაიღეს.

II კლასი - გასვლითი ღონისძიება
მოსწავლეები ესტუმრნენ მოზარდმაყურებელთა თეატრს. ნახეს სპექტაკლი ,,თაგუნები და ყველი”, რომელმაც დიდი მოწონება და აღფრთოვანება დაიმსახურა.
 

თანამედროვე საზოგადოებაში ერთ-ერთი აქტუალური საკითხია გლობალური მოქალაქეობა.
Xკლასის მოსწავლეები მოქალაქეობის გაკვეთილზე გაეცნენ და განიხილეს ვაჟა-ფშაველას სტატია (დაწერილია 1905წ.) “კოსმოპოლიტიზმი და პატრიოტიზმი”.
არგუმენტირებულად იმსჯელეს და გამართეს დისკუსია გლობალური მოქალაქეობის და გლობალიზაციის დადებით / უარყოფით მხარეებზე;
დისკუსია ინტერაქტიული სწავლების ერთ-ერთი ყველაზე პოპულარული მეთოდია.
დისკუსიის გზით გააზრებული ინფორმაცია მეხსიერებაშიც უფრო დიდხანს რჩება;
მეთოდი საშუალებას იძლევა, მოსწავლეებმა გამოიმუშაონ ისეთი მნიშვნელოვანი უნარები, როგორებიცაა: ეფექტური კომუნიკაცია, ფაქტების გააზრება, საკუთარი აზრის დასაბუთებულად გადმოცემა, თავისუფალი მსჯელობა, ურთიერთპატივისცემა, კრიტიკული აზროვნება და ა.შ.
 

II კლასი - დამრიგებლის საათი
სადამრიგებლო თემა: მეგობრობა
მოსწავლეებმა ისაუბრეს მეგობრობაზე, - როგორი უნდა იყოს მეგობარი.
დაფიქრდნენ, ცხოველებსაც შეუძლიათ თუ არა მეგობრობა, რომლის უკეთ გააზრებისთვის, წაიკითხეს მორის ფოცხიშვილის ლექსი ,,მეგობრობა” (არაპროგრამული).
უპასუხეს მთავარ კითხვას - არის თუ არა მეგობრობა სკოლაში და პირადი გამოცდილებიდან მოიყვანეს მაგალითები.
პრაქტიკულ ნაწილში კი, მეგობრებს დაუწერეს ის სიტყვები, რაც ყველაზე მეტად უნდოდათ, რომ ეთქვათ და ერთმანეთს ასე გაუთბეს გულები.
აქტივობა ხელს უწყობს თანაკლასელებს შორის მეგობრული დამოკიდებულების ჩამოყალიბებას.
 

ტანგრამი არის თავსატეხი, რომელიც შედგება 7 გეომეტრიული ფიგურისგან
მათი გარკვეული წესის დალაგების შედეგად მიიღება უფრო რთული ფიგურები, რომლებიც გამოსახავენ ადამიანებს, ცხოველებს, საყოფაცხოვრებო ნივთებს, ასოებს, ციფრებს და ა.შ.

მე-3 კლასის მოსწავლეებმა გამოჭრეს ტანგრამის ფიგურები და შეადგინეს სხვადასხვა საგნები
აქტივობის მიზანი: მოსწავლეებს განუვითარდეთ ვიზუალურ-სიმბოლური აზროვნება, წარმოსახვა, ყურადღება, კომბინატორული უნარები, ფერის, ზომისა და ფორმის აღქმა.