სკოლა ,,ერუდიტის" მე-8 კლასის მოსწავლეებს ჩაუტარდათ გასვლითი გაკვეთილი ნიკოლოზ ბარათაშვილის სახლ-მუზეუმში.
მოსწავლები გაეცნენ თანამედროვე ტექნოლოგიებით გაცოცხლებული პოეტის შემოქმედებას.
პროექტის „აივნებიანი ქალაქის“ ფარგლებში ,,იმოგზაურეს" მე- 19 საუკუნის თბილისში, გაეცნენ მაშინდელ სალონურ ცხოვრებას, ვიზუალური მასალის გამოყენებით ნახეს, როგორ იქცა ბანიანი ქალაქი ეტაპობრივად ჭრელ და ფერად ქალაქად, პარალელები გაავლეს ძველსა და ახალ პროფესიებს შორის.
 

I კლასის მოსწავლეებმა მათემატიკის გაკვეთილზე შეასრულეს პირველი კომპლექსური დავალება „ჩემი ეზო“.
დავალების იდეაა: ნახატზე საგნების განლაგება, მოცემული მონაცემებისა და მინიშნებების მიხედვით.
თემა: ორიენტირება სიბრტყესა და სივრცეში.
 

III კლასი
რუბრიკა - ,,ვსწავლობთ და ვასწავლით თანატოლებს”.
მოსწავლეებმა მოთხრობის ,,მაიას ყვავილები” გაცნობის შემდეგ გაიაზრეს, რომ ჯანსაღი ცხოვრებისთვის დროულად დაძინება აუცილებელია.
ზემოთ აღნიშნულთან დაკავშირებით, მესამე კლასელებმა შექმნეს პლაკატები, თუ რატომ უნდა დავიძინოთ ადრე, როგორ დავიცვათ ძილის რეჟიმი და როგორ მოვიქცეთ ძილის წინ.
 

III კლასი
მოსწავლეები გაეცნენ არჩილ სულაკაურის მოთხრობას ,,მატასი, პიპა და სუსი-ფუსი”, რომელზეც მუშაობის პროცესში შექმნეს კომიქსი.
მოსწავლეებმა იმუშავეს ჯგუფებად და თავიანთი ინტერპრეტაციით წარმოადგინეს ნამუშევრები, - პირველმა ჯგუფმა ტექსტში მოცემულ ამბავზე დაყრდნობით, ხოლო II ჯგუფმა ამბის გაგრძელებით.
 

სკოლა “ერუდიტში” ტოლერანტობის კვირეული გასვლითი შემეცნებითი გაკვეთილით დავიწყეთ.
ამჯერად მოვინახულეთ ასურეთი (სოფელი თეთრიწყაროს მუნიციპალიტეტში);