II კლასის მოსწავლეებს ჩაუტარდათ ინტეგრირებული გაკვეთილი - (ინგლისური ენა-სახალისო მათემატიკა-მუსიკა).
გაკვეთილზე მოსწავლეებმა რიცხვების გამოყენებით შეასრულეს მათემატიკური მოქმედებები ინგლისურ ენაზე.
იპოვეს დამალული სიტყვები, რომლებიც მუსიკის სხვადასხვა ჟანრთან იყო დაკავშირებული
 

IX კლასის მოსწავლეებმა გეოგრაფიის გაკვეთილზე შეასრულეს კომპლექსური დავალება თემაზე „ტურიზმის მიმართულებები და მათი განვითარების პოტენციალი საქართველოში“.
 

III კლასი
მოსწავლეები გაეცნენ ლექსს ,,ხილთა ცილობა”, რომლის გათვალისწინებით მოიფიქრეს და დაწერეს შემოქმედებითი თხზულება ,,ბროწეულისა და მარწყვის ცილობა”.
თითოეული მოსწავლის თხზულება საინტერესო და განსხვავებული იყო - პერსონაჟებით, ამბის განვითარებით, დასასრულით…
 

I კლასი
მოსწავლეებმა საანბანო პერიოდის დაწყებასთან ერთად, დაიწყეს ილუსტრირებულ ანბანზე მუშაობა:
ამოჭრეს წიგნში მოცემული ბარათები, დააწებეს ფურცლებზე და შეუსაბამეს მათ მიერ დახატულ ნახატებს.
პლასტელინის დახმარებით გამოძერწეს შესწავლილი ასოები ,,ი” და ,,ა” და მიიღეს სიტყვა ,,ია”.
აღნიშნული აქტივობები ხელს უწყობს მოტორული უნარების განვითარებას.
 

სკოლა “ერუდიტის” აქტიური მშობლის, არტთერაპევტ, ქოუჩ ქალბატონ ნინო ძოწენიძის , ინიციატივით, ჩვენი სკოლის უფროს კლასელებისთვის დაიწყო შეხვედრების ციკლი თემაზე -“ ვინ ვარ მე?”
აღნიშნული კურსის მიზანია, დაეხმაროს მოსწავლეებს შესაძლებლობების მაქსიმალურად გამოვლენასა და საკუთარი თავის უკეთ შეცნობაში.