22 აპრილს დედამიწის დღე აღინიშნება. ეს დღე გარემოს დაცვის მხარდასაჭერად და პლანეტის დასაცავად მთელს მსოფლიოში მილიონობით ადამიანს აერთიანებს.
ამ აქციას შეუერთდნენ დაწყებითი კლასის მოსწავლეები და სახვითი და გამოყენებითი ხელოვნების გაკვეთილზე შექმნეს პოსტერები, მათი თვალით დანახული დედამიწა
 

დედამიწის დღეს გილოცავთ! 
#happyearthday

IV კლასი მოსწავლეებმა ქართული ენისა და ლიტერატურის გაკვეთილზე შეისწავლეს ლეილა ბეროშვილის მოთხრობა "ფეფოს დაბრუნება".
მოსწავლეებმა იმუშავეს ჯგუფებში.
გაამხნევეს კიდობანში ჩამძვრალი ფეფო. გამოიგონეს ფეფოს მისამართი. შეადგინეს მოკლე შეტყობინების ტექსტი გაიხსენეს ,თუ როგორ იწერება წერილი და ახალ მეგობარ ფეფოს მისწერეს წერილი.
გაკვეთილის მიზანია: მოსწავლემ შეძლოს წაკითხული ტექსტის მიმართ პირადი დამოკიდებულების გამოხატვა და ახსნა. ტექსტის თემის და /ან მასში განხილული კონკრეტული საკითხების შეფასება.
 

XI კლასის მოსწავლეებმა გეოგრაფიის გაკვეთილზე შეაჯამეს, განიხილეს და პრეზენტაციების სახით წარმოადგინეს ევროპული ქვეყნების განვითარების დონე და დონის დასადგენი კრიტერიუმები.
იმსჯელეს გლობალიზაციის, ჯანდაცვის და განათლების როლზე ქვეყნის წარმატებაში.
განიხილეს შესაბამისი ქვეყნების მაგალითები.
 

IV და V კლასის მოსწავლეები სტუმრობდნენ მოზარდმაყურებელთა თეატრს.
მოსწავლეებმა ნახეს სპექტაკლი "წითელი ფეხსაცმელები და კალის ჯარისკაცი".
წარმოდგენა სადაც ამბავი არავერბალური პლასტიკისა და მუსიკის საშუალებითაა მოთხრობილი,მოსწავლეებისათვის საინტერესო და სახალისო აღმოჩნდა.