სკოლაში დასრულდა მოსწავლეთა თვითმმართველობის არჩევნები. არჩევნების პროცესი დემოკრატიული პრინციპების დაცვით წარიმართა. მოსწავლეთა თვითმმართველობის თავჯდომარეობის კანდიდატებად კენჭს იყრიდნენ IX კლასის მოსწავლე ანასტასია მეტრეველი, IX კლასის მოსწავლე ანა გეორბელიძე და X კლასის მოსწავლე კესო ლეგაშვილი.
მოსწავლეთა არჩევანით 2024-2025 სასწავლო წელს სკოლის მოსწავლეთა თვითმმართველობას უხელმძღვანელებს IX კლასის მოსწავლე ანა გეორბელიძე.
ვულოცავთ ანას თვითმმართველობის თავჯდომარეობას! წარმატებულ, ნაყოფიერ, საინტერესო და შემოქმედებით სასწავლო წელს ვუსურვებთ სკოლის მოსწავლეთა თვითმმართველობას.

II კლასი
სადამრიგებლო საათის თემა - ჩემი კლასი ჩემი ოჯახი
მეორეკლასელებმა სადამრიგებლო საათზე ისაუბრეს კლასზე, როგორც ოჯახზე; ჩამოწერეს კლასში მოქცევის წესები; დაწერეს, რატომ არის მათი კლასი გამორჩეული და როგორ ეხმარებიან ერთმანეთს; მოიფიქრეს კლასის ჰიმნი და შექმნეს პორტრეტი.
გაკვეთილის მიზანი: მოსწავლეებმა კლასში კომფორტულად, მშვიდად და უსაფრთხოდ იგრძნონ თავი; იზრუნონ ერთმანეთზე, როგორც ოჯახის წევრებზე; გაითავისონ და დაიცვან კლასში მოქცევის წესები; გამოხატონ პირადი დამოკიდებულება კლასის მიმართ.
 

გარემოსდაცვითი კულტურის ჩამოყალიბებისათვის მნიშვნელოვანია მოსწავლეთა ჩართულობის ზრდა.
თაობათა ცვლის შედეგად ცნობიერება გარემოს მდგრადი განვითარების საკითხებთან დაკავშირებით, მუდმივად საჭიროებს ამაღლებას. ამიტომ მივიღეთ გადაწყვეტილება ესგ-ს პრიორიტეტული თემა - გარემოს მდგრადი განვითარება- განვახორციელოთ როგორც სასკოლო პროექტი. ერთ-ერთი ღონისძიება ჩატარდა VIII კლასში ფიზიკის გაკვეთილზე; კლასი დაიყო ჯგუფებად, ჯგუფებმა აირჩიეს ენერგიის სასურველი ფორმა, მაგ: ატომური ელექტროსადგურის მხარდამჭერი ენერგეტიკოსები, ქარის, ჰესის, თესის ელექტროსადგურის მხარდამჭერები და ა.შ. „ენერგეტიკოსთა“ ამოცანა იყო კომისიის დარწმუნება მათ მიერ მხარდაჭერილი ენერგიის წყაროს განვითარებაში ჩაიდოს ინვესტირება;
მოსწავლეებმა წარმოადგინეს პრეზენტაციები , პლაკატები, თითოეული ენერგიის წყაროს დადებით და უარყოფით მხარეებზე და თავად დაინახეს ამგვარი ანალიზის მნიშვნელობა.
 

პირველი კლასის მოსწავლეებმა მათემატიკის გაკვეთილზე, საგნების ურთიერთგანლაგების აღწერისას შესაბამისი ტერმინების ადეკვატურ გამოყენებასთან დაკავშირებით შეასრულეს დავალება/ნახატი "ჩემი ეზო".
დახატეს მათი სასურველი ეზო, განალაგეს სხვადასხვა ობიექტები (სახლი, ღობე, ხეები, გზა, ტრანსპორტი, შინაური ცხოველები , ფრინველები და ა.შ )
მათი მდებარეობა მეორე საგანთან მიმართებაში აღწერეს სიტყვების გამოყენებით : წინ, უკან, გვერდით, მარჯვნივ, მარცხნივ, გარეთ, შიგნით.

V კლასის მოსწავლეებმა ქართულ ენასა და ლიტერატურის გაკვეთილზე შეისწავლეს მწერალ რევაზ ინანიშვილის მოთხრობა"მირანდუხტი". მოსწავლეებმა იმსჯელეს და შეაფასეს პერსონაჟების ხასიათი.
თითოეულმა მოსწავლემ პრეზენტაციის სახით წარადგინა საკუთარი ნამუშევარი.
აქვე მოიძიეს ინფორმაცია თუ როგორ შეიქმნა ნაძალადევის რაიონი თბილისში და რატომ დაერქვა ამ უბანს "ნახალოვკა",სადაც მთავარი პერსონაჟი ცხოვრობდა. გაკვეთილის მიზანია: მოსწავლემ შეძლოს ტექსტის მიმართ პირადი დამოკიდებულებების გამოხატვა ,ახსნა და შეფასება.