III კლასის მოსწავლეებმა შეაჯამეს ბუნებაში შესწავლილი მასალა მცენარეების შესახებ და შეასრულეს დავალება მცენარის ფოტოსინთეზის პროცესზე.
დაახასიათეს ფოტოსინთეზის დროს მცენარეში მიმდინარე პროცესები და მასზე მოქმედი გარემო ფაქტორები.
 

XI კლასის მოსწავლეებმა ფიზიკის გაკვეთილზე განიხილეს და შეისწავლეს ჰარმონიული რხევების თეორია და მისი პრაქტიკული გამოყენებები. გაკვეთილის ფარგლებში, მოსწავლეებმა მიიღეს ინფორმაცია ჰარმონიული რხევების ბუნების, მათემატიკური აღწერისა და ძირითადი პარამეტრების შესახებ, როგორიცაა ამპლიტუდა, პერიოდი, სიხშირე და ფაზა.
მოსწავლეებმა ასევე იხილეს ვიდეო რგოლები რომლებიც მოიცავდა ჰარმონიული მოძრაობის მოდელირებას და გრაფიკული ანალიზის ტექნიკებს.
აღნიშნული თემა ხელს უწყობს მოსწავლეების ფიზიკური მოვლენების ღრმად გააზრებას და მათემატიკურ ანალიტიკური უნარების განვითარებას.

Თემა :
"Წელიწადის დროები."
Ტექნიკა და პროცედურა:
"Ძერწვა"
Სახვითი და გამოყენებითი ხელოვნების გაკვეთილზე I კლასის მოსწავლე იყენებს ბუნებაში არსებულ ფორმებს, წრეს, ხეს, ყვავილს, ხილს და ამ ფორმებით აკეთებს ფურცელზე მცირე პლასტიკის ნიმუშებს.
 

X კლასის მოსწავლეებმა, ინგლისური ენის გაკვეთილზე, შეასრულეს როლური თამაში, რომელიც მიზნად ისახავდა მოსწავლეთა საუბრისა და მოსმენის უნარების განვითარებას. აქტივობა მოიცავდა დროში მოგზაურობის სცენარს, სადაც თითოეული მოსწავლე განასახიერებდა სხვადასხვა ისტორიულ და გამოგონილ პერსონაჟს, მათ შორის: ქრისტეფორე კოლუმბს, კლეოპატრას, ილია ჭავჭავაძეს, ინდოეთის მცხოვრებლებს, ამერიკელ ადამიანს თანამედროვე ეპოქიდან და მომავლის რობოტს.
მოსწავლეებმა ინგლისურ ენაზე წარადგინეს თავიანთი პერსონაჟები და მონაწილეობა მიიღეს დიალოგებში, სადაც გამოავლინეს უნარი, ზუსტად და გამართულად გადმოეცათ თავიანთი პერსონაჟის შეხედულებები. მათ გამოავლინეს აქტიური მოსმენის უნარი, რადგან ისინი ყურადღებით ეკიდებოდნენ თანაკლასელთა დიალოგებს და ამ პასუხებში ზუსტად იყენებდნენ მიღებულ ინფორმაციას. საბოლოოდ, მოსწავლეებმა ეფექტურად გამოიყენეს რესურსები და ტექსტები, რათა კარგად გაეცნოთ თავიანთი პერსონაჟების ისტორიული ან გამოგონილი საფუძვლები.

IV კლასის მოსწავლეებმა საგაკვეთილო თემის მიხედვით შეისწავლეს ზღაპარები:
,,Snow white and seven dwarfs"
,,Cinderella."
მოსწავლეებმა ასევე ისაუბრეს ზღაპრების არსზე, შეისწავლეს უცხო სიტყვები და პერსონაჟების დახასიათებები სიმღერას შეუხამეს.
აი, შედეგიც.