ანბანის შემობრძანება I კლასში
ვზეიმობთ პირველი ასო-ბგერების სწავლასა და იაკობ გოგებაშვილის დაბადების დღეს.
პირველკლასელები შეხვედნენ ,,საქართველოს ახალგაზრდული აკადემიის” წევრებს და ჩაერთვნენ ანბანის პროგრამაში.
მოსწავლეებმა ასო-ბგერები მოხატეს ქვიშასა და ცვილზე; დაბეჭდეს საბეჭდ მანქანაზე; მოისმინეს იაკობის შესახებ საინტერესო ისტორიები; დაათვალიერეს მინიატურული წიგნები; გაიგეს უცნაური დამწერლობების შესახებ.
მოსწავლეებმა მიიღეს სიგელები და სიმბოლური საჩუქრები.
 

- დიახ, დღეებს ვითვლით ანბანის შემობრძანებამდე!
მაშ ასე, ანბანის გვირგვინები და ჩვენი პირველკლასელი გვირგვინოსნები
 

თუ გინდათ, რომ გაკვეთილებს შორის, შესვენებაც ორგანიზებული და საინტერესო იყოს, გაიმეორეთ ის ,,ენერჯაიზერები”, რომელთაც III კლასის მოსწავლეები გიზიარებენ:
,,დიახ ან არა” - მასწავლებელი სვამს მარტივ კითხვებს, მოსწავლეები ,,დიახ” - ხელის აწევით, ,,არა” - ფეხზე წამოდგომით პასუხობენ.
მიზანი: მოძრაობა + ერთმანეთის უკეთ გაცნობა.
,,სიმართლე თუ ტყუილი” - თითოეული მოსწავლე ჰყვება საკუთარ თავზე ამბავს, დანარჩენებმა უნდა გამოიცნონ, სიმართლეა თუ ტყუილი.
მიზანი: გუნდური ატმოსფეროსა და ურთიერთგაგების ამაღლება.
,,დაიჭირე ემოცია” - მასწავლებელი ამბობს ემოციას, რომელიც მოსწავლეებმა სხეულის მოძრაობით უნდა გამოხატონ.
მიზანი: ემოციური ინტელექტისა და სხეულის ენის განვითარება.
 

VI კლასი
საგანი: კომპიუტერული ტექნოლოგიები.
მოსწავლეებმა შეისწავლეს ტექსტური რედაქტორი (Microsoft Word); მათ უკვე დამოუკიდებლად შეუძლიათ გახსნან ვორდის დოკუმენტი და იმუშაონ დავალების შესაბამისად.
 

მე-10 კლასის მოსწავლეები ფიზიკის გაკვეთილზე ელექტროსტატიკას შეისწავლიან; ჩაატარეს მარტივი ცდები დაელერქტროებაზე; სტატიკური მუხტი ყველაზე ხშირად ხახუნის (ტრიბოელექტრული ეფექტი), შეხების ან ინდუქციის შედეგად წარმოიქმნება, როდესაც ერთი ობიექტიდან მეორეზე ელექტრონები გადადის.• ერთი და იგივე ნიშნის მუხტები (მაგ., დადებითი-დადებითი) განიზიდავენ ერთმანეთს. საწინააღმდეგო ნიშნის მუხტები (მაგ., დადებითი-უარყოფითი) მიიზიდავენ ერთმანეთს. ეს მიზიდვა ხდება ნეიტრალურ სხეულსა და დამუხტულ სხეულს შორისაც, რადგან დამუხტული სხეული იწვევს მუხტების გადანაწილებას ნეიტრალურ სხეულში (ინდუქცია).