საახალწლო განწყობის შესაქმნელად პირველი კლასის მოსწავლეები ეწვივნენ მოზარდმაყურებელთა თეატრს და დიდი ინტერესით უყურეს სპექტაკლს „ელფები და საშობაო ზღაპარი“
აქტივობის ფარგლებში განვავითარეთ:
ემოციების გამოხატვა და ემპათია
ყურადღების კონცენტრაცია
მოსმენისა და დაკვირვების უნარი
ესთეტიკური აღქმა და ფანტაზია
კულტურული ქცევა საზოგადოებრივ სივრცეში
თეატრში სტუმრობა ბავშვებისთვის სასიამოვნო და შემეცნებითი გამოცდილება აღმოჩნდა

V და VI კლასის მოსწავლეები ესტუმრნენ ხელოვნების სასახლეს საგანმანათლებლო პროგრამაზე — „საახალწლო მეჯლისი“.
მოსწავლეებმა იმოგზაურეს ზღაპრულ სამყაროში.
გიდის თანხლებით დაათვალიერეს სასახლე.
მოისმინეს მეჯლისის მრავალსაუკუნოვანი ისტორია.
ჩაერთნენ შემოქმედებით აქტივობაში და საკუთარი ხელით დაამზადეს ფერადი სამეჯლისო ნიღბები.
 

სკოლა “ერუდიტს”პოეტი მიხეილ ქოპილაშვილი ესტუმრა.
მოსწავლეებმა წაიკითხეს თანამედროვე პოეტის ლექსები, მოისმინეს პოეტის მიერ წაკითხული
ნაწარმოებები. შეხვედრა კითხვა-პასუხის რეჟიმში წარიმართა.
პოეტთან უშუალო კონტაქტი მოსწავლეებთან აძლიერებს ინტერესს: კითხვისადმი, წერისადმი,
ზოგადად შემოქმედებისადმი.
პოეტის პასუხები ეხებოდა:
თავისუფლებას,
პასუხისმგებლობას, სიყვარულს, სამოქალაქო პოზიციას.
რაც ეხმარება მოსწავლეებს საკუთარი ღირებულებების გააზრებაში.
 

კლასი Xა
საგანი: XIX-XX საუკუნის დასავლური ლიტერატურა
მოსწავლეებმა წარმოადგინეს პრეზენტაციები ალბერტ კამიუს რომანის „უცხო“-სა და ფრანც კაფკას „მეტამორფოზა“-ს შესახებ. სამუშაოს ფარგლებში მათ გააანალიზეს თითოეული ტექსტის შინაარსობრივი და იდეური მხარეები, რის შემდეგაც შეადარეს ერთმანეთს აღნიშნული ნაწარმოებები.
პრეზენტაციებში ყურადღება გამახვილდა ორივე ტექსტისთვის დამახასიათებელ საერთო თემებზე, როგორიცაა ადამიანის გაუცხოება საზოგადოებაში, ინდივიდის მარტოობა, არსებობის აბსურდულობა და პიროვნებისა და სოციალური გარემოს კონფლიქტი. მოსწავლეებმა აღნიშნეს, რომ კამიუსა და კაფკას გმირები განსხვავებულ რეალობებში მოქმედებენ, თუმცა ორივე მათგანი აღმოჩნდება გარემოსგან გარიყულ მდგომარეობაში და ვერ ახერხებენ სრულფასოვან კომუნიკაციას საზოგადოებასთან.
განსხვავებების განხილვისას მოსწავლეებმა გამოყვეს ტექსტების ჟანრობრივი და სტილისტური თავისებურებები. აღინიშნა, რომ „უცხო“ ეფუძნება რეალისტურ გარემოს და ფილოსოფიურ გააზრებას, ხოლო „მეტამორფოზა“ ფანტასტიკური ელემენტის მეშვეობით გადმოსცემს ადამიანის შინაგან ტრაგედიას. ასევე გაანალიზდა მთავარი პერსონაჟების დამოკიდებულება ცხოვრებისადმი და მათ მიერ რეალობის აღქმის განსხვავებული ფორმები.
ცალკე ყურადღება დაეთმო სიმბოლოების ანალიზს. მოსწავლეებმა იმსჯელეს მზის, სიცხისა და სიცარიელის სიმბოლურ მნიშვნელობებზე კამიუს ტექსტში, ასევე გრეგორ ზამზას გარდაქმნის მნიშვნელობაზე კაფკას ნოველაში, როგორც ადამიანის გაუფასურებისა და დეჰუმანიზაციის სიმბოლოზე.
დასასრულს, პრეზენტაციებმა ცხადყო, რომ მოსწავლეებმა შეძლეს ტექსტების სიღრმისეული გააზრება, კრიტიკული ანალიზი და ლიტერატურული პარალელების გამოვლენა, რაც მიუთითებს მათ მიერ თანამედროვე მსოფლიო ლიტერატურის მნიშვნელოვანი საკითხების გააზრებულ აღქმაზე.
 

დეკემბერი სამოქალაქო განათლებისთვის განსაკუთრებული თვეა.
პირველი დეკემბერი მონობის გაუქმების საერთაშორისო დღე.
ათი დეკემბერი ადამიანის უფლებათა საერთაშორისო დღე.
აღნიშნულთან დაკავშირებით, მე-11 კლასის მოსწავლეებმა იმუშავეს და წარმოადგინეს პრეზენტაციები ისეთ თემებზე, როგორებიცაა:
იძულებითი შრომის ეკონომიკური დინამიკა და მისი გლობალური შედეგი.
ტრეფიკინგი 21-ე საუკუნეში: მონობის თანამედროვე კონსტრუქცია.
საერთაშორისო სამართლისა და ორგანიზაციების როლი მონობის წინააღმდეგ ბრძოლაში.
ისტორიული მეხსიერება და მონობის მემკვიდრეობა თანამედროვე საზოგადოებაში.
მონობის ლეგიტამაციის იდეოლოგიური საფუძველი და მისი დემონტაჟი.