სკოლა “ერუდიტი” EENCE - Eastern European Network for Citizenship Education -ის გამარჯვებული პროექტის "მედიაწიგნიერება ჩემს სკოლაში" შერჩეული სკოლების სიაშია;
1 ოქტომბრიდან “მედიაწიგნიერების კვირეულის” ფარგლებში განხორციელდება სასკოლო პროექტი “იყავი თავდაჯერებული და დაცული შენს სოციალურ სივრცეში/ Be confident and safe in your social space.” (პროექტს უხელმძღვანელებს სამოქალაქო განათლების მასწავლებელი მარიამ ლომიძე და Xკლასის მოსწავლე კესო ლეგაშვილიMariam Lomidze Kesø Legashvili);
წარმატებები სკოლა „ერუდიტს“ და პროექტის მონაწილე სკოლებს.
#ციფრულიმოქალაქეობა #მედიაწიგნიერება
#Beconfidentandsafe
 

V კლასის მოსწავლეებმა ქართული ენისა და ლიტერატურის გაკვეთილზე, შეისწავლეს მწერალ რევაზ ინანიშვილის მოთხრობა"ეთერი".
პირველ ეტაპზე მოიძიეს ქართველ მწერალთა ბიოგრაფიები; მეორე ეტაპზე შექმნეს მინიპლაკატები სათაურით "ქართველ მწერალთა სურათები ეთერის სკოლისთვის".
თითოეულმა მოსწავლემ პრეზენტაციის სახით წარადგინა საკუთარი ნამუშევარი.
გაკვეთილის მიზანია: მოსწავლემ შეძლოს სტანდარტით განსაზღვრულ სხვადასხვა ტიპის მცირე ზომის მარტივი ტექსტების შექმნა ნაცნობ თემატიკაზე.
 

II კლასი - ,,პინოქიოს თავგადასავალი”
მოსწავლეებმა ქართული ენის გაკვეთილზე ისწავლეს კარლო კოლოდის ზღაპარი ,,პინოქიოს თავგადასავალი” ( IX თავი) და ,,პერსონაჟის რუკის” დახმარებით, დაახასიათეს მთავარი პერსონაჟი - პინოქიო; მოიყვანეს არგუმენტები.
აქტივობა ხელს უწყობს: ტექსტის გაგება-გააზრებას, არგუმენტირებისა და პერსონაჟის მიმართ დამოკიდებულების გამოხატვის უნარის განვითარებას.
 

I კლასის მოსწავლეებმა წინასაანბანო პერიოდში შეისწავლეს წელიწადის სეზონები და მათი დამახასიათებელი ფერები, ნიშან-თვისებები. თეორიულად ნასწავლი გადაიტანეს ფურცლებზე, რაც ხელს უწყობს შეძენილი ინფორმაციის ვიზუალიზაციას და უკეთ დამახსოვრებას.

ინგლისური ენის გაკვეთილზე III კლასის მოსწავლეებმა საკუთარ თავზე ისაუბრეს, მცირე ანკეტები შეავსეს და კლასს წარუდგინეს.
მოცემული აქტივობა ავარჯიშებს როგორც წერით, ასევე პრეზენტაციის წარდგენის უნარებსაც.