დემოკრატიული მოქალაქეობისა და ადამინის უფლებათა შესახებ სწავლებაში ყურადღება გამახვილებულია იმაზე, თუ რისი კეთების უნარს უნდა ფლობდნენ მოსწავლეები.
საგანი მოქალაქეობის სწავლება მათ ეხმარება ჩამოყალიბდნენ ახალგაზრდა მოქალაქეებად, რომლებსაც აქვთ ცოდნა იმის შესახებ თუ რას წარმოადგენს ადამიანის უფლებები და ის პირობები რომლებზეც ამ უფლებების დაცვაა დამოკიდებული; როგორი უნდა იყოს აქტიური მოქალაქე, მისი ჩართულობა სახელმწიფოს განვითარების პროცესში და სხვა.
განსაკუთრებულად საინტერესოა ჩვენი მოსწავლეების აქტიურობა საგაკვეთილო, სასკოლო ცხოვრებაში. მათი შემოქმედებითი ნამუშევრების, პრეზენტაციების, კვლევების, დებატების, დისკუსიების და სხვ. გაცნობა.
#მოქალაქეობა
#ადამიანისუფლებები
#Democracy #HumanRightsEducation

II-III კლასების მოსწავლეები სტუმრობდნენ მოზარდმაყურებელთა თეატრს.
ნახეს სპექტაკლი "ალადინი".
სპექტაკლი მრავალფეროვანი კოსტუმებით, სცენებით და მუსიკალური გაფორმებით იყო გამორჩეული და საკმაოდ საინტერესო და სახალისო აღმოჩნდა მოსწავლეებისთვის
 

ჩვენმა მოსწავლეებმა იციან რომ ბავშვი, რომელიც დღის რეჟიმს იცავს უფრო იოლად ასრულებს სასკოლო დავალებას, დასვენებასაც ასწრებს და არც იღლება
მე და საზოგადოების გაკვეთილზე IIIკლასის მოსწავლეებმა ისაუბრეს ცხოვრების ჯანსაღ წესზე, წარმოადგინეს და ერთმანეთს გაუზიარეს საკუთარი დღის რეჟიმის პრეზენტაციები
 

სასწავლო პროცესის დაგეგმვასა და წარმართვაში აქცენტი კეთდება სწავლების მეთოდებსა და სტრატეგიებზე.
ფიზიკის გაკვეთილზე, მოვლენის კომპლექსურ აღქმაში VII და IX კლასის მოსწავლეები ერთმანეთს დაეხმარნენ. მათ ერთად იმსჯელეს ტოლქმედ ძალაზე და ნიუტონის პირველ კანონზე, განიხილეს ანიმაციები, დაინახეს რომ ათვლის ინერციულ სისტემებში სხეული უძრავია ან მოძრაობს უცვლელი სიჩქარით, ვიდრე მასზე რაიმე გაუწონასწორებელი ძალა არ იმოქმედებს.
 

I კლასის მოსწავლეებმა ინგლისური ენის გაკვეთილზე, შეისწავლეს ცხოველები, მათი სახელები და საცხოვრებელი გარემო.
ცხოველები გააფერადეს, გამოჭრეს და შექმნეს ბარათები.
თემის უკეთ აღსაქმელად, ცხოველების დასახელებები ანბანის ასოებს შეუსაბამეს.