III და IV კლასის მოსწავლეები ესტუმრნენ მოზარდ მაყურებელთა თეატრს.
სპექტაკლმა ,,სათაგური" დიდი მოწონება და ოვაციები დაიმსახურა.
დასასრულს კი, მოსწავლეებმა მსახიობებთან ფოტოებიც გადაიღეს.
 

მსოფლიოს და საქართველოს მყინვარები და მათი დნობის დინამიკა განიხილეს XI კლასის მოსწავლეებმა გეოგრაფიის შემაჯამებელ გაკვეთილზე. აღწერეს მთის და შელფური მყინვარები, იმსჯელეს დნობის სტატისტიკაზე და მათ როლზე დედამიწის მდგრადი განვითარებისთვის.

II კლასი
სადამრიგებლო საათი - კონფლიქტები და მათი მოგვარების გზები
მეორეკლასელები ერთსულოვნად მოგვიწოდებენ, რომ ყოველგვარი უთანხმოება სიყვარულითა და მხარდაჭერით დავამარცხოთ!
 

II კლასის მოსწავლეებმა ინგლისური ენის გაკვეთილზე შეისწავლეს ფორმები.
მოსწავლეებმა საკლასო სივრცეში მოიძიეს სასკოლო ნივთები, შეუსაბამეს ფორმებს და კლასელებს წარუდგინეს მათი მოსაზრებები.
 

თამაშით სწავლება ნებისმიერ საფეხურზე და ნებისმიერი ასაკის მოსწავლეთა სწავლებაში ეფექტური მეთოდია, რადგან ბევრად საინტერესოს და სახალისოს ხდის საგაკვეთილო პროცესს. თამაშით სწავლება ხელს უწყობს გუნდური უნარების განვითარებას, მობილიზებას და ლოგიკური კავშირების დამყარებას კონკრეტული საკითხის მიმართ.
მეექვსე კლასის მოსწვლეებისათვის აქტივობა " მხიარული ბანქო" სახალისოდ შესასრულებელი აღმოჩნდა.
აქტივობის აღწერა:
ორი კამათლის გაგორებისას მოსული რიცხვებით ჩაწერეთ წესიერი წილადი; "წილადების დაფაზე" იპოვეთ მიღებული წილადის ტოლი წილადი.
აღნიშნული აქტივობით მოსწავლეები განივითარებენ შემდეგ მათემატიკური პროცედურების შესრულების უნარ-ჩვევებს:
წესიერი წილადის დაწერა და წაკითხვა;
ტოლი წილადის მიღება მრიცხველისა და მნიშვნელის ერთი და იმავე რიცხვზე გამრავლება/გაყოფით..