III კლასი
მოსწავლეებმა ქართული ენისა და ლიტერატურის გაკვეთილზე შეისწავლეს დონალდ ბისეტის ზღაპარი ,,დედა წერტილი და შვილი წერტილი”.
აღნიშნულ საკითხთან დაკავშირებით, მოაწყვეს როლური კითხვა და ხალისით შექმნეს ზღაპრის კომიქსი, რაც ხელს უწყობს ტექსტის გაგება-გააზრებასა და განსახვავებული კუთხით წარმოჩენას.
 

I კლასის მოსწავლეებმა ინგლისური ენის გაკვეთილზე ანბანის შესწავლა სხვადასხვა აქტივობებით დაიწყეს
მოსწავლეებმა ისაუბრეს ანბანის ასოებზე და მათთან დაკავშირებულ ასოცირებულ სიტყვებზე.
გამოსახეს ხელების დახმარებით.
გამოჭრეს საათები, ზედ დატანილი სიტყვებით და გააფერადეს.
ვიზუალური მაგალითები საშუალებას აძლევს მათ, მარტივად დაიმახსოვრონ როგორც ანბანის ასოები, ასევე უცხო სიტყვებიც და ამასთანავე, განივითარონ მოტორული უნარები.

ბავშვობის ყველაზე ლამაზ მოგონებაში, აუცილებლად იქნება 1 გამორჩეული სათამაშო, რომელიც ძალიან გვიყვარდა. ხომ ასეა?
I კლასის მოსწავლეები ინგლისური ენის გაკვეთილზე შეისწავლიან სათამაშოებს, მათ შესატყვისებს და ამიტომაც, საყვარელი სათამაშოების მოყვანა ვთხოვეთ მათ ახალ საზოგადოებაში წარსადგენად.
მოსწავლეებმა უცხო სიტყვების გამოყენებით დაახასიათეს ისინი.
თქვენ რომელი სათამაშო გახსენდებათ? გაგვიზიარეთ

სკოლაში დასრულდა მოსწავლეთა თვითმმართველობის არჩევნები. არჩევნების პროცესი დემოკრატიული პრინციპების დაცვით წარიმართა. მოსწავლეთა თვითმმართველობის თავჯდომარეობის კანდიდატებად კენჭს იყრიდნენ IX კლასის მოსწავლე ანასტასია მეტრეველი, IX კლასის მოსწავლე ანა გეორბელიძე და X კლასის მოსწავლე კესო ლეგაშვილი.
მოსწავლეთა არჩევანით 2024-2025 სასწავლო წელს სკოლის მოსწავლეთა თვითმმართველობას უხელმძღვანელებს IX კლასის მოსწავლე ანა გეორბელიძე.
ვულოცავთ ანას თვითმმართველობის თავჯდომარეობას! წარმატებულ, ნაყოფიერ, საინტერესო და შემოქმედებით სასწავლო წელს ვუსურვებთ სკოლის მოსწავლეთა თვითმმართველობას.

II კლასი
სადამრიგებლო საათის თემა - ჩემი კლასი ჩემი ოჯახი
მეორეკლასელებმა სადამრიგებლო საათზე ისაუბრეს კლასზე, როგორც ოჯახზე; ჩამოწერეს კლასში მოქცევის წესები; დაწერეს, რატომ არის მათი კლასი გამორჩეული და როგორ ეხმარებიან ერთმანეთს; მოიფიქრეს კლასის ჰიმნი და შექმნეს პორტრეტი.
გაკვეთილის მიზანი: მოსწავლეებმა კლასში კომფორტულად, მშვიდად და უსაფრთხოდ იგრძნონ თავი; იზრუნონ ერთმანეთზე, როგორც ოჯახის წევრებზე; გაითავისონ და დაიცვან კლასში მოქცევის წესები; გამოხატონ პირადი დამოკიდებულება კლასის მიმართ.