თქვენ როგორ გამოიყურებით, როცა ბედნიერი ხართ
სადამრიგებლო საათის ერთ-ერთი თემა - ემოციები.
მოსწავლეებმა ისაუბრეს ემოციებზე და გაიაზრეს, რომ ყველა ემოცია მნიშვნელოვანია, არასწორი მხოლოდ მათი გამოხატვის ფორმა შეიძლება იყოს.
ასე გამოიყურებიან ბედნიერი, კმაყოფილი და გახარებული პირველკლასელები.
შემოვუნახოთ მოსწავლეებს მსგავსი მომენტები კადრებად.
პედაგოგი - მარიამ კოტრიკაძე.

VII კლასის მოსწავლეები სახვითი და გამოყენებითი ხელოვნების გაკვეთილზე გაეცნენ მონუმენტური ფერწერის ერთ-ერთ დარგს "მოზაიკას".
მოსწავლეებმა შეასრულეს პრაქტიკული სამუშაო, ფერადი ფურცლებით მორთეს საკუთარი ნამუშევრები.
გაკვეთილის პროცესმა დიდი ინტერესითა და შემოქმედებითი განწყობით ჩაიარა.
Პედაგოგი: ხათუნა თეთრაშვილი

III კლასის მოსწავლეებმა შეისწავლეს იოსებ გრიშაშვილის ლექსი ,,ხელის ჩუქურთმა” და გაეცნენ ანბანის სახელებს.
მოსწავლეებმა ხალისითა და მონდომებით შეასრულეს ჯგუფური სამუშაო, რაც ითვალისწინებდა შემოქმედებითი უნარების გააქტიურებასა და გამოვლენას, - დაამზადეს ილუსტრირებული წიგნი ანბანზე.
პედაგოგი - მარიამ კოტრიკაძე.

II კლასის მოსწავლეებმა ინგლისური ენის გაკვეთილზე შეისწავლეს ფერები
აქტივობა ,, Say your colour and jump" ეხმარება მოსწავლეებს მარტივად და ხალისით შეისწავლონ ფერების დამარცვლა, წერა და მათთან დაკავშირებული ასოცირებული სიტყვებით წინადადებების შედგენა.
პედაგოგი: ნათია ჯალაღონია

II, III და IV კლასის მოსწავლეების გასვლითი ღონისძიება ხელოვნების სასახლეში.
მოსწავლეებმა მონაწილეობა მიიღეს საგანმანათლებლო პროგრამაში - ,,ქართული ანბანის საიდუმლო”, რაც გულისხმობდა სასკოლო პროგრამისთვის ადაპტირებულ სამუზეუმო ვორქ-შოპს.
მოისმინეს ისტორია და დაათვალიერეს საგანძური მრავალსაუკუნოვანი ქართული ანბანის შესახებ.
მოსწავლეებს საშუალება მიეცათ იაკობ გოგებაშვილის დედაენის და ანბანის ფერადი ნიმუშების დახმარებით უფრო სახალისოდ და საინტერესოდ შეესწავლათ წერის საფუძვლები.