სამეწარმეო უნარების განვითარება და ინიციატივების წახალისება ჩვენი სკოლის საერთო კულტურის ნაწილია; რაც ხელს უწყობს მოსწავლეების ინოვაციური იდეების დაგეგმვას, განვითარებასა და განხორციელებას.
XI კლასის მოსწავლეებმა წარმოადგინეს პროექტი “წარმატებული მეწარმის პორტრეტი”
ისაუბრეს მეწარმეობის როლზე ქვეყნის ეკონომიკური განვითარების ჭრილში;
გაეცნენ და დაამუშავეს ცნობილი წარმატებული მეწარმეების ბიოგრაფიები და პროფესიული განვითარების გზები;
ჩამოაყალიბეს “წარმატების ფორმულა”;
გამოკვეთეს ყველა მნიშვნელოვანი თვისება და უნარი, რაც დაეხმარება ადამიანს წარმატების მიღწევაში.
მიზანდასახულობა; სტრატეგია; ლიდერობა; გუნდურობა; ინოვაცია; ასერტულობა; დაუღალავი შრომა; მიზნისკენ სწრაფვა, უწყვეტი განვითარება და სხვ.
 

პირველ კლასელები ხელოვნების სასახლეს ესტუმრნენ.
დაათვალიერეს სასახლე და მასში განთავსებული
უამრავი ძვირფასი ნივთი.
მოისმინეს პრეზენტაცია მარიონეტების შესახებ და დაამზადეს საკუთარი მარიონეტი - “პინოქიო”.
პირველმა გასვლითმა ღონისძიებამ წარმატებით ჩაიარა და მოსწავლეები ბედნიერი ემოციებით სავსენი დაბრუნდნენ სკოლაში.
 

I კლასი
ინგლისური ენის გაკვეთილზე, მოსწავლეებმა ისაუბრეს თემაზე- ,,Be nice"
მოსწავლეებმა განიხილეს სხვადასხვა სიტუაციები და მონიშნეს რომელი მათგანი იყო სწორი/არასწორი.
დაამზადეს თითის მინიატურული პერსონაჟები (Finger puppets) და გაითამაშეს მცირე სცენები.
აქტივობა მოსწავლეებს საშუალებას აძლევს სწორად შეაფასონ ყოველდღიური ქცევები და გაიუმჯობესონ უცხო ენაზე სასაუბრო უნარები.
 

II კლასი
აქტივობის ბარათები კითხვისა და წერის სწავლებისათვის
ქართული ენისა და ლიტერატურის გაკვეთილზე მოსწავლეებმა იმუშავეს ზემოთ აღნიშნულ ბარათებზე, რომლებიც ავითარებს შემდეგ უნარებს:
ფონოლოგიურს;
ლექსიკურ მარაგს;
წერას;
კითხვას;
გრამატიკას;
გაგება-გააზრებას.
 

X კლასის მოსწავლეებმა გეოგრაფიის გაკვეთილზე შეასრულეს შემაჯამებელი დავალება თემაზე: “მსოფლიო ქვეყნების დემოგრაფიული მდგომარეობის ანალიზი სქესობრივ ასაკობრივი პირამიდის გამოყენებით”.
დაახასიათეს ქვეყნების მდებარეობა, კლიმატი,
დემოგრაფიული მდგომარეობა, იმსჯელეს რა როლი აქვს ქვეყნის განვითარებისთვის მოსახლეობის რაოდენობას და სქესობრივ ასაკობრივ განაწილებას.