II კლასის მოსწავლეებმა ინგლისური ენის გაკვეთილზე შეისწავლეს ფორმები.
მოსწავლეებმა საკლასო სივრცეში მოიძიეს სასკოლო ნივთები, შეუსაბამეს ფორმებს და კლასელებს წარუდგინეს მათი მოსაზრებები.
 

თამაშით სწავლება ნებისმიერ საფეხურზე და ნებისმიერი ასაკის მოსწავლეთა სწავლებაში ეფექტური მეთოდია, რადგან ბევრად საინტერესოს და სახალისოს ხდის საგაკვეთილო პროცესს. თამაშით სწავლება ხელს უწყობს გუნდური უნარების განვითარებას, მობილიზებას და ლოგიკური კავშირების დამყარებას კონკრეტული საკითხის მიმართ.
მეექვსე კლასის მოსწვლეებისათვის აქტივობა " მხიარული ბანქო" სახალისოდ შესასრულებელი აღმოჩნდა.
აქტივობის აღწერა:
ორი კამათლის გაგორებისას მოსული რიცხვებით ჩაწერეთ წესიერი წილადი; "წილადების დაფაზე" იპოვეთ მიღებული წილადის ტოლი წილადი.
აღნიშნული აქტივობით მოსწავლეები განივითარებენ შემდეგ მათემატიკური პროცედურების შესრულების უნარ-ჩვევებს:
წესიერი წილადის დაწერა და წაკითხვა;
ტოლი წილადის მიღება მრიცხველისა და მნიშვნელის ერთი და იმავე რიცხვზე გამრავლება/გაყოფით..
 

III კლასი
აქტივობის ბარათები კითხვისა და წერის სწავლებისათვის
ქართული ენისა და ლიტერატურის გაკვეთილზე მოსწავლეებმა იმუშავეს ზემოთ აღნიშნულ ბარათებზე, რომლებიც ავითარებს შემდეგ უნარებს:
ფონოლოგიურს;
ლექსიკურ მარაგს;
წერას;
კითხვას;
გრამატიკას;
გაგება-გააზრებას.
 

ინტეგრირებული გაკვეთილი
სამყაროს შემეცნება-ინგლისური ენა
I კლასი
მოსწავლეებმა ისაუბრეს დინოზავრების წარმოშობაზე, მათ ნაირსახეობებზე, გადაშენებასა და ჩვენამდე შემორჩენილ არტეფაქტებზე.
შეასრულეს სხვადასხვა დავალებები. დაამზადეს ფაზლები, გააფერადეს და შეაჯამეს მიღებული ინფორმაცია.
ასევე შეასრულეს ,,DINO DANCE"- დინოზავრების ცეკვა და განასახიერეს ისინი.
 

და ვინ თქვა, რომ ინგლისური ენის გრამატიკა მოსაწყენია?
III კლასის მოსწავლეები ასე ნამდვილად არ ფიქრობენ.
პირის ნაცვალსახელების შესწავლა გემზე გაშლილი იალქნებით და მასზე დატანილი ინფორმაციებით გაიმარტივეს.