სკოლა „ერუდიტის“ მოსწავლეები იმყოფებოდნენ სოფლის მეურნეობის სამეცნიერო-კვლევითი ცენტრის ჯიღაურას ბაზაზე, სადაც აგრარული მეცნიერების პრაქტიკულ და კვლევით მიმართულებებს გაეცნენ.
მოსწავლეებმა დაათვალიერეს ბაზაზე არსებული ხეხილისა და ვაზის საკოლექციო ნარგაობები, ასევე, ვაზისა და ღვინის სამუზეუმო სივრცე.
დაათვალიერეს ხეხილის ბაღში წარმოდგენილი ჯიშები, გაეცნენ კოლექციის მნიშვნელობას და აგროტექნიკურ თავისებურებებს; პრაქტიკულად აჩვენეს, როგორ მიმდინარეობს ნარგაობის სხვლა-ფორმირება და რა პრინციპებზეა დაფუძნებული თანამედროვე ბაღის მართვა.
მოსწავლეებს ესაუბრნენ საქართველოს მევენახეობა-მეღვინეობის მრავალსაუკუნოვან ისტორიასა და ტრადიციაზე;

სკოლა „ერუდიტში“ გაიმართა საინფორმაციო და შემეცნებითი შეხვედრა საქართველოს ეროვნული უნივერსიტეტი-ის წარმომადგენლებთან. უნივერსიტეტის თანამშრომლებმა მოსწავლეებს გააცნეს უმაღლესი განათლების თანამედროვე ტენდენციები, სასწავლო პროგრამები და ის მნიშვნელოვანი საგანმანათლებლო პროექტები, რომლებსაც უნივერსიტეტი წარმატებით ახორციელებს. შეხვედრის ფარგლებში განსაკუთრებული ყურადღება დაეთმო აბიტურიენტებისთვის განკუთვნილ შესაძლებლობებს, სტუდენტურ აქტივობებს, საერთაშორისო გაცვლით პროგრამებსა და პროფესიული განვითარების პერსპექტივებს. სტუმრებმა დეტალურად ისაუბრეს უნივერსიტეტის ინფრასტრუქტურაზე, სასწავლო გარემოსა და სტუდენტების მხარდამჭერ მექანიზმებზე. მოსწავლეებს შესაძლებლობა ჰქონდათ დაესვათ მათთვის საინტერესო კითხვები და მიეღოთ ამომწურავი ინფორმაცია სასწავლო მიმართულებებისა და კარიერული დაგეგმვის შესახებ.
სკოლა „ერუდიტი“ მადლობას უხდის საქართველოს ეროვნული უნივერსიტეტის წარმომადგენლებს ნაყოფიერი თანამშრომლობისთვის და იმედოვნებს, რომ მსგავსი შეხვედრები მომავალშიც გაგრძელდება მოსწავლეების პროფესიული ორიენტაციისა და ინფორმირებულობის ამაღლების მიზნით.

School “ERUDITI”, Pearson Edexcel და English Book Education
10 თებერვალს სკოლა “ერუდიტში”, English Book Education-თან თანამშრომლობის ფარგლებში, 7–12 კლასის მოსწავლეებისთვის ჩატარდა Pearson International Level Test.
ტესტირების მიზნია ინგლისური ენის ცოდნის დონის შეფასება საერთაშორისო სტანდარტების შესაბამისად, რაც მოიცავდა სამ ძირითად უნარს: კითხვას (Reading), მოსმენასა (Listening) და წერას (Writing).
მსგავსი საერთაშორისო შეფასებები ხელს უწყობს მოსწავლეთა აკადემიური პროგრესის ობიექტურ ანალიზს და ქმნის მყარ საფუძველს მათი შემდგომი საგანმანათლებლო განვითარების დაგეგმვისთვის.
აღნიშნული ტესტირება სკოლას აძლევს შესაძლებლობას, ზუსტად განსაზღვროს მოსწავლეთა ენობრივი კომპეტენციები და სწავლების პროცესი მოარგოს თითოეული მოსწავლის ინდივიდუალურ საჭიროებებს.
ამავდროულად, საერთაშორისო სტანდარტებზე დაფუძნებული შეფასებები ამყარებს სკოლის საგანმანათლებლო სტრატეგიას და ხაზს უსვამს სკოლის საგანმანათლებლო მიმართულებას ხარისხზე, განვითარებასა და გლობალურ აკადემიურ სივრცესთან ინტეგრაციაზე.

ერუდიტში საჯაროდ კითხვის კვირეულმა წარმატებით ჩაიარა.
ეს არის გარემო, სადაც კითხვა სასიამოვნო, შემეცნებითი და სახალისო პროცესია.
და გახსოვდეთ , ერთი წიგნი შეიძლება იყოს ნაბიჯი, რომელმაც მთელი გზა შეცვალოს.

მასწავლებლობო, თქვენი გამოცდილებით, კლასის მართვის რომელი სისტემაა ყველაზე ეფექტური
გვსურს, გაგიზიაროთ კლასის მართვის პოზიტიური ინსტრუმენტი, - ,,მწვანე ბარათების სისტემა”, რომელიც 26 იანვრიდან დაინერგა სკოლა ,,ერუდიტის” III კლასში.
აღნიშნული მოიცავს ორ ძირითად იდეას:
დისციპლინის საკითხების შემცირებას;
პოზიტიური სასწავლო გარემოს წახალისებას.
მწვანე ბარათზე ასახულია პუნქტები, რომლის შესრულების შედეგადაც მოსწავლე კვირის ბოლოს იღებს ბარათს.
ბარათების დარიგების დღედ ავირჩიეთ პარასკევი.
მნიშვნელოვანი ნაწილი ბარათების რაოდენობაა, - თუ მოსწავლე დააგროვებს ათ მწვანე ბარათს, მას გადაეცემა ჯილდო.
ჯილდო იქნება მოსწავლის ინტერესებზე მორგებული, სიმბოლური ნივთი.
იმ შემთხვევაში, თუ კი მოსწავლე გაკვეთილებზე რომელიმე პუნქტს დაარღვევს, მიიღებს ყვითელ ბარათს.
აღსანიშნავია, რომ მწვანე ბარათების სისტემაზე ჩატარებულია კვლევა, რომელიც მის ეფექტიანობას ხაზს უსვამს.
გვინდა სიხარულით აღვნიშნოთ, რომ მოსწავლეები სისტემაში დიდი ენთუზიაზმით ჩაერთნენ, - ითვლიდნენ დღეებს პარასკევამდე, მონდომებით იცავდნენ ბარათებზე მითითებულ წესებს, ერთმანეთს ამხნევებდნენ და ეხმარებოდნენ.
პირველ კვირაში მწვანე ბარათი დამსახურებულად მიიღო ყველა მესამეკლასელმა.