I კლასის მოსწავლეებმა შეისწავლეს ინგლისური ანბანის ყველა ასო და კითხვის ეტაპზე გადასვლა მრავალფეროვანი აქტივობებით აღვნიშნეთ.
მათ უკვე შეუძლიათ მცირე ზომის სიტყვების დამარცვლა და კითხვა.
მათი წერა,აღქმა და თარგმნა.
მსგავსი ტიპის აქტივობები მოსწავლეებს უმარტივებს კითხვის პროცესს.
უვითარებს გუნდური მუშაობისა და თანამშრომლობის უნარებს.
 

მეხუთე კლასის მოსწავლეებმა ქართული ენისა და ლიტერატურის გაკვეთილზე შეისწავლეს და შეაჯამეს თავი"სახელოვანი წინაპრები":
"ვახტანგ მეფე"-შოთა ნიშნიანიძე
"თამარის დროშა გაშალეს"-გრიგოლ ორბელიანი,
"ნიკოლოზ გოსტაშაბიშვილი"-ილია ჭავჭავაძე,
"მტრის ძლევა",...
მოსწავლეებმა იმუშავეს ჯგუფებში, შეადგინეს პოსტერი და შექმნეს "პერსონაჟების რუკა".
გაკვეთილის მიზანი: მოსწავლემ შეძლოს წაკითხული ტექსტის მიმართ პირადი დამოკიდებულებების გამოხატვა და ტექსტის თემის შეფასება.
 

,,ვთამაშობთ და ვსწავლობთ”
პირველკლასელებმა ქართულ ენასა და ლიტერატურაში ისწავლეს მოთხრობა ,,დილა ჩვენს ეზოში”.
აღნიშნულ საკითხთან დაკავშირებით, მოსწავლეებმა შექმნეს გამაფრთხილებელი აბრა - ,,ბუნებას უნდა მოვუაროთ”.
ისაუბრეს, თუ როგორ უნდა გაუფრთხილდნენ ბუნებას.
მოსწავლეებმა იმუშავეს წყვილებსა და ჯგუფებში, რაც თანამშრომლობითი უნარების განვითარებას უწყობს ხელს.
 

IV კლასი
ქართული ენისა და ლიტერატურის გაკვეთილზე მოსწავლეებმა შეისწავლეს ნუგზარ შატაიძის მოთხრობა(ძველი თქმულების მიხედვით) "მართლმსაჯულების ზარი".
მოსწავლეებმა პედაგოგის ხელმძღვანელობით ჩაატარეს იმიტირებული სასამართლო პროცესი.
განიხილეს საქმე: რა უნდა მიესაჯოს მდიდარ კაცს,(შეურჩიეს სახელი და გვარი) რომელმაც ცხენი დაბერების შემდეგ სახლიდან გააგდო?! გამართეს დისკუსია, იმსჯელეს ,იფიქრეს არა მარტო დამნაშავის დასჯაზე ,ასევე დაჩაგრულის გამოსარჩლებაზე. გამოთქვეს ვარაუდები და მდიდარ კაცს გამოუტანეს საბოლოო განაჩენი. გაკვეთილის მიზანია: მოსწავლემ შეძლოს ტექსტის მიმართ პირადი დამოკიდებულების გამოხატვა, ახსნა და შეფასება.

II კლასი
მოსწავლეებმა ქართულ ენასა და ლიტერატურაში დაასრულეს VIII თავის შესწავლა, რომლის მთავარი თემა არის ,,საოცარი ბავშვები”.
აღნიშნულ თემასთან დაკავშირებით, მეორეკლასელებმა იმუშავეს ჯგუფურად და შექმნეს საკლასო პოსტერები სათაურით - ,,რა უყვართ ბავშვებს”.
სათქმელის წარმოსაჩენად გაიხსენეს თემაში შესწავლილი ტექსტები; წარმოადგინეს მაგალითები, რომლებიც შეესატყვისება პოსტერის სათაურს; გამოიყენეს სხვადასხვა ზომისა და ფორმის ასოები, სურათებისა და ილუსტრაციების განლაგება, მოკლე წინადადებები.
აქტივობის მიზანი იყო შესწავლილი ტექსტებიდან გამოტანილი იდეების შეჯამება; ჯგუფური მუშაობის უნარ-ჩვევების განვითარება.
პ.ს. ,,ჩვენ ყველანი ერთ ენაზე ვიცინით!”