სკოლა “ერუდიტის” მოსწავლეების ვიზიტი საქართველოს პარლამენტში.

II კლასი
მეორე კლასში ჩატარდა ღია გაკვეთილები ქართულ ენაში, მათემატიკასა და ინგლისურ ენაში (ინტეგრირებული).
მოსწავლეებმა, აღნიშნულ საგნებში, გამოავლინეს თავიანთი ცოდნა და უნარ-ჩვევები.
გაკვეთილებს ესწრებოდნენ დირექციის წარმომადგენლები და მოსწავლეების მშობლები.
 

III კლასი
მოსწავლეები გაეცნენ ილია ჭავჭავაძის მოთხრობას ,,გაიზრდები და დაგავიწყდება”.
მოსწავლეებმა გაიაზრეს ტექსტში მოცემული მთავარი პრობლემა - ბულინგი. ისაუბრეს მისი გამოხატვის ფორმებსა და მართვის გზებზე.
 

თემა: გეომეტრიული ფიგურები
ტანგრამი გეომეტრიული ობიექტებისაგან შემდგარი თავსატეხია. ერთი კვადრატისგან მიღებული 7 გეომეტრიული ფიგურისგან შესაძლებელია სხვადასხვა სახალისო ფიგურების შედგენა.
III კლასის მოსწავლეებმა ჯერ მაგნიტური ფიგურებისგან შექმნეს მათთვის სასურველი ფიგურები, ხოლო შემდეგ თავად გამოჭრეს ტანგამის გეომეტრიული ფიგურები და შეადგინეს სხვადასხვა ობიექტი.
 

25 ნოემბერს ქალთა მიმართ ძალადობასთან ბრძოლის დღე აღინიშნება.
ქალთა მიმართ ძალადობა ადამიანის უფლებების ყველაზე გავრცელებული დარღვევაა და მას ქალებისთვის სერიოზული ფიზიკური, ეკონომიკური და ფსიქოლოგიური შედეგები მოაქვს, რაც საზოგადოებაში მათ თანასწორ მონაწილეობას მნიშვნელოვნად უშლის ხელს.
სკოლა “ერუდიტში” სამოქალაქო განათლების მასწავლებლის მარიამ ლომიძის და XI კლასის მოსწავლე ნიცა ვარამაშვილის ინიციატივით აღნიშნულ თემაზე გაიმართა შეხვედრა, რომელის მიზანი იყო მოსწავლეთა ცნობიერების ამაღლება, სტერეოტიპების მსხვრევა და ადამიანის უფლებების დაცვის აღიარება .
შეხვედრა მოიცავდა შემდეგ აქტივობებს:
1. დები მირაბალდების ისტორიის გაცნობა; (სწორედ სამ დას -პატრია, მინერვა და მარია ტერეზა მირაბალდების ტრაგიკულ ისტორიას უკავშირდება გაეროს მიერ 25 ნოემბერის ქალთა მიმართ ძალადობის წინააღმდეგ ბრძოლის საერთაშორისო დღედ აღიარება);
2. პერფომანსი “თავისუფლების პეპელები”;
3. მოსწავლეთა ნამუშევრების/პოსტერების წარდგენა;