მუსიკის გაკვეთილზე III კლასის მოსწავლეებმა ისაუბრეს სანოტო სისტემაზე და იმისთვის რომ, უკეთ გაეგოთ მოცემული მასალა, სკოლის პიანინოს მიაშურეს.
მოსწავლეებმა გაკვეთილზე შეისწავლეს:
სანოტო სისტემა- ბანი/ვიოლინოს გასაღები
სინქრონი, აკორდები, დაკვრის პრინციპი
მცირე კომპოზიციების შესრულება
მოსწავლეების მიერ შესრულებულ მცირე მუსიკალურ მონაკვეთს, მასწავლებლის ბანი შეერწყა და ასე შეიქმნა მცირე კომპოზიციაც
 

მუსიკის გაკვეთილზე I კლასის მოსწავლეები ქართულ ხალხურ საკრავებს და ფოლკლორს შეისწავლიან.
მოსწავლეებმა ერთ-ერთი ხალხური ინსტრუმენტი-ფანდური განიხილეს.
მოუსმინეს მის ჟღერადობას სიმღერებში და ამოიცნეს.
შეისწავლეს მისი აგებულება, დაკვრის ტექნიკა და თავადაც დაუკრეს.

მუსიკის გაკვეთილზე III კლასის მოსწავლეებმა შეასრულეს რიტმული სამუშაო - Paper Orchestra.
ფურცლების დახმარებით, ააჟღერეს და გაამრავალფეროვნეს მელოდია.
მოცემული ტიპის აქტივობა ხელს უწყობს რიტმის გააქტიურებას, მოსმენისა და ყურადღების კონცენტრაციის უნარს.
 

II კლასის მოსწავლეებმა Სახვითი და გამოყენებითი ხელოვნების გაკვეთილზე იმუშავეს თემაზე: "ზოოპარკი". ბუნებრივი ფოთლების გამოყენებით შექმნეს სხვადასხვა ცხოველისა და ფრინველის აპლიკაციები.
Ტექნიკა და პროცედურა:
Აქტივობის დროს მოსწავლე იყენებს (ფურცელს,წებოს,ფოთოლს, ფლომასტერს)
მოსწავლე ხაზის სხვადასხვა ფორმის საშუალებით იღებს სასურველ ფორმას.
 

სკოლა ,,ერუდიტში” დიდი ზეიმია!
ყველასათვის (განსაკუთრებით, ბავშვებისთვის) საყვარელი მწერლის - ასტრიდ ლინდგრენის დაბადების დღე აღინიშნა.
დაწყებითი კლასების (II, III, IV, V, VI) მოსწავლეებმა მწერლის წიგნებიდან მათთვის საყვარელი პერსონაჟები (პეპი გრძელწინდა და კარლსონი) გააცოცხლეს.
მოაწყეს მხიარული ვარცხნილობებისა და ჩაცმულობის დღე.
რადგანაც ასტრიდის ერთ-ერთ პერსონაჟს ძალიან უყვარს უცნაური კერძების დამზადება, ჩვენმა მოსწავლეებმაც მოამზადეს ,,უცნაური კერძები”.
პეპის ძალიან მოსწონს თავგადასავლები, სწორედ ამიტომ, მოსწავლეები ,,საგანძურის პოვნის” აქტივობაში ჩაერთვნენ. მათ მასწავლებლებმა მოუმზადეს დაშიფრული დავალებები, დამალეს სკოლის ტერიტორიაზე და მინიშნებებით მიაკვლიეს ,,საგანძურს”.
პეპის, აგრეთვე, ძალიან უყვარს თამაშების მოწყობა. მასწავლებლებმა, მოსწავლეებთან ერთად, მოაწყეს "ჩემი ბავშვობის თამაში” (,,კლასობანა”).
აქტივობა ,,ხელოვნება და ხელობა".
ყველამ ვიცით პეპის მხატვრული ნიჭის შესახებ. ჩვენც მოსწავლეებს მივეცით შესაძლებლობა, აღმოეჩინათ და გამოევლინათ ეს ნიჭი თავიანთ თავებში.
აღნიშნული აქტივობები ეხმარებათ ჩვენს მოსწავლეებს, მეტად შეიგრძნონ ასტრიდ ლინდგრენის საოცარი შემოქმედება, მასში ასახული ჯადოსნური სამყარო და განივითარონ შემოქმედებითი თუ წარმოსახვის უნარები.