გრძელდება შეხვედრები სკოლის კურსდამთავრებულებთან - ეგიდით „მე ერუდიტელი ვარ“.
1 დეკემბერს შეხვედრა გაიმართა 2013 წლის კურსდამთავრებულებთან ფინანსისტ ნუკა მაღლაკელიძესთან და ანიმატორ გიორგი გაბისონიათან.
ნუკამ და გიორგიმ მოსწავლეებს მისცეს საინტერესო და პრაქტიკულ რჩევები თუ როგორ შევარჩიოთ პროფესია.
ნუკამ ისაუბრა Work-life ბალანსზე, თუ როგორ დავაბალანსოთ სამსახური და პირადი ცხოვრება.
გიორგიმ გააცნო თუ როგორ უნდა შევქმნათ მოუშენ დიზაინი-მოძრაობის ილუზია და ეფექტები.
მსგავსი შეხვედრები წლის ბოლომდე გაგრძელდება, რომელსაც პერიოდულად გაგაცნობთ.
ჩვენ ვამაყობთ ჩვენი კურსდამთავრებულებით.

IX კლასის მოსწავლეებმა საფრანგეთის მეფის ლუი XVI-ს გასამართლებით ისტორიის გაცოცხლება სცადეს-როლური თამაშით , რომელის პრეზენტაცია-სასამართლოს იმიტაციას წარმოადგენდა.
მოსწავლეებმა დაინაწილეს როლები: ლუი XVI, მარია ანტუანეტა, ბრალმდებელნი, მეფე-დედოფლის დამცველნი, პირველი/მეორე/მესამე ფენის წარმომადგენლები, რომელთაც დაწვრილებით აღწერეს მათი იმდროინდელი მდგომარეობა, ასევე განმანათლებლები, რომელთაც თავისი იდეები გააჟღერეს.
მოსწავლეებმა წარმოადგინეს პრეზენტაცია იმ დროინდელი ადამიანების ყოფა-ცხოვრების შესახებ.
გამართეს დისკუსია ბრალდება-დაცვის ფორმატში და იმსჯელეს სოციალურ-პოლიტიკურ-ეკონომიკური მიზეზების შესახებ. ასევე ,იკამათეს , მეფის განუსაზღვრელი თუ განსაზღვრული ძალაუფლების შესახებ,რომელმაც საფრანგეთში არეულობა მოიტანა.
იმსჯელეს, რა დადებითი და უარყოფითი შედეგები შეიძლებოდა ჰქონოდა მეფის სიკვდილით დასჯას და მათი ვარაუდი შეადარეს იმ დროისთვის საფრანგეთში, საქართველოსა და ევროპაში შექმნილ მდგომარეობას და ლუიVI სიკვდილით დასჯისა და რევოლუციის გავლენას დანარჩენ მსოფლიოზე.
 

სკოლის დირექციის და მოსწავლეთა თვითმმართველობის ინიციატივით, სკოლაში იმართება შეხვედრები სკოლის კურსდამთავრებულებთან - ეგიდით „მე ერუდიტელი ვარ“.
პირველი შეხვედრა გაიმართა 17 ნოემბერს,
2013 წლის სკოლის კურსდამთავრებულ
ხელოვნებათმცოდნე - ანა დედაბრიშვილთან.
შეხვედრაზე ანამ ისაუბრა თუ, როგორ უნდა დავგეგმოთ კარიერა, მოსწავლეებს მისცა საინტერესო და პრაქტიკული რჩევები, როგორ შევარჩიოთ პროფესია.
ასევე ისაუბრა, როგორ შეიძლება გააკეთო ტრანსფერი ერთი სფეროდან მეორეში როცა არ მოგწონთ სადაც ახლა ხარ.
მსგავსი შეხვედრები წლის ბოლომდე გაგრძელდება, რომელსაც პერიოდულად გაგაცნობთ.
 

VIII კლასი
ცნებების შესწავლის დროს ეფექტიანობის თვალსაზრისით მნიშვნელოვანია გრაფიკების გამოყენება. ინფორმაციის გრაფიკულად წარმოდგენა საშუალებას გვაძლებს, შევკვეცოთ დიდი მოცულობის ინფორმაცია, გრაფიკი წარმატებით გამოიყენება რთული მასალის ახსნის დროსაც, როდესაც არ ვართ დარწმუნებული, გაიგეს თუ არა მოსწავლეებმა მასალა. შესაძლოა, მათ სწორად უპასუხეს დასმულ შეკითხვებს, არცთუ ცუდად შეავსეს ტესტიც, მაგრამ „არადამაჯერებლად“ გამოიყურებიან მასალის არასათანადოდ გააზრების გამო. გრაფიკი თავად წარმოადგენს გააზრების ინსტრუმენტს, აზუსტებს ცნების არსს, თვალსაჩინოს ხდის ცნების შინაარსსა და სტურქტურას, ავითარებს ლოგიკას.
VIII კლასში გაკვეთილების დანიშნულებაც ესაა – ასწავლოს მოსწავლეებს გააზრება.
 

I კლასი
პირველ კლასში ჩატარდა ღია გაკვეთილები მათემატიკაში, ინგლისურ ენასა და ბუნებისმეტყველებაში.
მოსწავლეებმა, აღნიშნულ საგნებში, გამოავლინეს თავიანთი ცოდნა და უნარ-ჩვევები.
გაკვეთილებს ესწრებოდნენ დირექციის წარმომადგენლები და მოსწავლეების მშობლები.