X კლასის მოსწავლეებმა მსოფლიოს პოლიტიკური რუკის შესასწავლად გამოიყენეს ონლაინ პროგრამა settera.com. პროგრამის დახმარებით გამოიცნეს ევროპის ქვეყნების ზუსტი მდებარეობა და მათი მეზობლები. აქტივობამ გაზარდა მოსწავლეთა მოტივაცია და ინტერესი რუკის შესწავლისას, მეთოდის გამოყენება გაგრძელდება სხვა კონტინენტების გაცნობის დროსაც.
 

ჩემი აკადემიური მიზნების მიღწევაში უდიდესი წვლილი შეიტანა სკოლა „ერუდიტმა“ . ამ სკოლაში არსებული ატმოსფერო აძლევს ხარისხიან განათლებასა და ცოდნას თითოეულ მოსწავლეს, ეხმარება მას შეიძინოს ღირებული უნარები, რომლებიც საკლასო ოთახს მიღმა არსებულ სამყაროში თვითრეალიზაციისათვის დაეხმარება. გამიმართლა, რომ ვსწავლობდი სკოლაში, რომელიც აფასებს და ხელს უწყობს მოსწავლეებში კრიტიკული აზროვნებისა და შემოქმედობითობის განვითარებას. მასწავლებლები, დირექცია და ამ სკოლაში არსებული სასწავლო გარემო თითოეულ მოსწავლეში ნერგავს კუთვნილების გრძნობას, აღვივებს ცნობისმოყვარეობას, აძლევს საშუალებას აღმოაჩინოს თავისი ინტერესები, ძლიერი მხარეები და სძენს უამრავ შესაძლებლობას არა მხოლოდ აკადემიური, არამედ პიროვნული განვითარებისთვის. სკოლა „ერუდიტი“ეს არის ადგილი, რომელმაც მომცა მრავალფეროვანი შესაძლებლობები და დაუვიწყარი მოგონებები.

 

მარიამ ჯუღელი

I კლასის მოსწავლეები ანბანის ასოებს ხალისით ეცნობიან.
"Alphabet bus" აქტივობა მათ არა მხოლოდ მოტორულ,ასევე ვიზუალურ და მახსოვრობის უნარებს უვითარებს.
მოსწავლეებმა გამოჭრეს ავტობუსები, შეუსაბამეს თითოეულ ასოს ასოცირებული სიტყვები და გააფერადეს
 

✅ V კლასის მოსწავლეებმა ინგლისური ენის გაკვეთილზე , წამყვანების და სტუმრების როლები მოირგეს.📻🎧🎙
წინასწარ საგაკვეთილო თემატიკის მიხედვით მომზადებული კითხვები დაუსვეს ერთმანეთს და მცირე იმპროვიზაციასაც მიმართეს 🌟
მოცემული აქტივობა მოსწავლეებში უცხო ენაზე მეტყველების და აზროვნების უნარს ავითარებს 📚📝🎧🎙
 

საქართველოს განათლებისა და მეცნიერების სამინისტრომ და შეფასებისა და გამოცდების ეროვნულმა ცენტრმა, 2022-2023 სასწავლო წლის ეროვნული სასწავლო ოლიმპიადის გამარჯვებული 52 მოსწავლე დიპლომებით და სიგელებით დააჯილდოვა.
გაიცანით,ჩვენი სკოლის გამარჯვებული მოსწავლე ანასტასია ბარსონიძე.