III კლასი
მოსწავლეებმა ქართული ენის გაკვეთილზე გამოიყენეს კითხვის ეფექტური მეთოდი - ,,ცხელი სკამი”.
თავი მოთხრობის ,,გაიზრდები და დაგავიწყდება” პერსონაჟებად წარმოიდგინეს (დედა, გიორგი, თედო, გოლა), მოკალათდნენ კლასის შუაში ,,ცხელ სკამზე” და უპასუხეს თანაკლასელების მიერ დასმულ შეკითხვებს.
ზემოთ აღნიშნული აქტივობა ავითარებს შემოქმედებით, არტისტულ და კრიტიკულ აზროვნებას.
 

VI კლასის მოსწავლეებს ჩაუტარდათ ინტეგრირებული გაკვეთილი, ბუნებისმეტყველებასა და ინგლისურ ენაში.
მოსწავლეებმა ისაუბრეს კახეთის ადგილმდებარეობაზე, მის ისტორიაზე, კულტურულ ძეგლებზე და ტურისტულ პოტენციალზე.
განიხილეს კახეთი ,,Wellness " ტურიზმის ჭრილში.
ასევე, შეადარეს მსოფლიო ველნეს ტურიზმის გამოცდილება კახეთის ტურისტული განვითარების პოტენციალს.
პრეზენტაციის თემის სიღრმისეულად გასაცნობად, კავკასიის საერთაშორისო უნივერსიტეტის ბიზნესისა და ტექნილოგიების ფაკულტეტის, ტურიზმის საბაკალავრო საგანმანათლებლო პროგრამის ხელმძღვანელმა და ასოცირებულმა პროფესორმა- ლალი მიქელაძემ წაიკითხა ლექცია, თემაზე : ,,ტურიზმი, კახეთი და ველნეს ტურიზმის განვითარების პერსპექტივები საქართველოში".
 

სკოლა “ერუდიტის” მოსწავლეების ვიზიტი საქართველოს პარლამენტში.

II კლასი
მეორე კლასში ჩატარდა ღია გაკვეთილები ქართულ ენაში, მათემატიკასა და ინგლისურ ენაში (ინტეგრირებული).
მოსწავლეებმა, აღნიშნულ საგნებში, გამოავლინეს თავიანთი ცოდნა და უნარ-ჩვევები.
გაკვეთილებს ესწრებოდნენ დირექციის წარმომადგენლები და მოსწავლეების მშობლები.
 

III კლასი
მოსწავლეები გაეცნენ ილია ჭავჭავაძის მოთხრობას ,,გაიზრდები და დაგავიწყდება”.
მოსწავლეებმა გაიაზრეს ტექსტში მოცემული მთავარი პრობლემა - ბულინგი. ისაუბრეს მისი გამოხატვის ფორმებსა და მართვის გზებზე.