II კლასი
სადამრიგებლო საათი - ემოციების კონტროლი
ჩვენი მოსწავლეებისთვის საინტერესო და სახალისო აღმოჩნდა, საკუთარი თავებისთვის სხვა კუთხით შეხედვა და კიდევ ერთხელ იმის გააზრება, რომ თავად ფლობენ ყველა “ღილაკს”.
განვიხილეთ, რომ ემოციის მართვა არ ნიშნავს ემოციის არგამოხატვას, მის დათრგუნვას, ან პირიქით, უკონტროლობას. ემოცია არის ჩვენი კომპასი და ის გვეხმარება ჩვენი საზღვრების დაცვაში და ჩვენი სურვილებიდან გამომდინარე, ცხოვრებაში ორიენტაციაში.
თითოეული საკითხის დეტალურად ჩაშლის შემდეგ, ვისაუბრეთ კონკრეტულად რომელს რისი კოტროლი უჭირს ყველაზე მეტად და, რა თქმა უნდა, მოგვარების გზებიც განვიხილეთ.
აუცილებლად უნდა გვახსოვდეს, ის ბავშვები, რომლებსაც კარგად ესმით საკუთარი ემოციები, მეტად თავდაჯერებულები არიან და უადვილდებათ აკადემიური წარმატების მიღწევა.
 

V კლასის მოსწავლეებმა ბუნებისმეტყველების გაკვეთილზე, პრაქტიკული სამუშაოს გამოყენებით შეისწავლეს სიმკვრივის მოცულობის და მასის განსაზღვრა.
გამოყენებული რესურსი: წყალი, დანაყოფებიანი ჭიქა, მკვრივი საგანი, სასწორი და ზონარი.
 

III კლასში “ჯადოსნური სიტყვების” გაკვეთილი გვქონდა
ვისაუბრეთ სიტყვის ძალაზე და პირობა დავდეთ, რომ ყოველდღიურ ცხოვრებას ბევრი ჯადოსნური სიტყვით გავალამაზებთ
განვიხილეთ სიტუაციური ამოცანები;
წავიკითხეთ და გავაანალიზეთ იგავი “ენით დაკოდილი”
მოსწავლეებმა დაწერეს და გაგვიზიარეს თხზულება “სიტყვის ძალა”;
 

II, III, IV, V კლასები
27 ოქტომბერი იაკობ გოგებაშვილის დაბადების დღეა!
იაკობის კვირეულთან დაკავშირებით, II კლასის მოსწავლეები, ჩაერთნენ ,,ანბანის პროგრამაში” და შექმნეს დედაენის თავიანთი გარეკანი.
III კლასის მოსწავლეებმა დიდ მწერალს საფოსტო ბარათი გაუგზავნეს, რომელშიც გამოხატეს მისდამი სიყვარული და მადლიერება.
IV კლასის მოსწავლეები გაეცნენ გოგებაშვილის მოთხრობებს და ისაუბრეს მწერლის წერის სტილზე.
Vკლასის მოსწავლეებმა მოიძიეს ინფორმაცია იაკობ გოგებაშვილის ცხოვრებისა და მოღვაწეობის შესახებ.
 

VI კლასის მოსწავლეებმა საგან ჩვენი საქართველოს გაკვეთილზე წარმოადგინეს პრეზენტაცია თემაზე: კახეთის ბუნება და ისტორიული ძეგლები.
მოსწავლეებმა დაახასიათეს კახეთის სხვადასხვა ისტორიული ნაწილი, აღწერეს მხარის ბუნების ღირსშესანიშნაობები, იმსჯელეს სხვადასხვა ისტორიული ძეგლის მნიშვნელობაზე ამ მხარეში.