საქართველოს პაროდონტოლოგთა ასოციაციის პროგრამა „მე ვიხეხავ კბილებს“ ფარგლებში სკოლა „ერუდიტის“ მოსწავლეებს ესტუმრნენ GeoPerio-ს თანამშრომლები.
პროგრამის მიზანია ბავშვებისთვის პირის ღრუს მოვლასა და პროფილაქტიკაზე ინფორმაციის მიწოდება, მათი მოტივირება.
მოსწავლეებს სიმბოლური საჩუქრები გადაეცათ.
 

მერვე კლასის მოსწავლეებმა წარმადგინეს პროექტი, რომელიც ეძღვნებოდა ევროპის კონტინენტის გეოგრაფიულ თავისებურებებსა და თანამედროვე გამოწვევებს. პრეზენტაციაში განხილული იყო ევროპის გეოგრაფიული მდებარეობა და მისი შედარება სხვა კონტინენტებთან, რაც მოსწავლეებს დაეხმარა უკეთ გაეაზრათ ევროპის გლობალური მნიშვნელობა. მნიშვნელოვანი ნაწილი დაეთმო ევროკავშირის განხილვას – მისი ფუნქციების, მიზნებისა და უპირატესობების გაანალიზებას. მოსწავლეებმა გამოავლინეს კრიტიკული აზროვნების უნარი და აქტიურად იმსჯელეს ორგანიზაციის გავლენაზე როგორც ევროპის შიგნით, ასევე გლობალურ დონეზე.
პროექტმა წვლილი შეიტანა მოსწავლეების ცოდნის გაღრმავებასა და გუნდური მუშაობის უნარების განვითარებაში.

მეხუთე კლასის მოსწავლეებმა საინტერესო პროექტი მიუძღვნეს საქართველოს ერთ-ერთ ისტორიულ კუთხეს — აჭარას. ისინი გაეცნენ აჭარის გეოგრაფიულ მდებარეობას და მის ისტორიას. მიღებული ცოდნის საფუძველზე დაგეგმეს მოგზაურობის მარშრუტები, სადაც ჩამოაყალიბეს, რა ადგილებს მოინახულებდნენ და რას დაათვალიერებდნენ.
პროექტმა გააღრმავა მოსწავლეების სიყვარული საქართველოს ისტორიული კუთხეების მიმართ და განავითარა მათი შემოქმედებითი და პრაქტიკული აზროვნება.

კლასი-III
საგანი-ინგლისური ენა
თემა-Days if the week/months
მოსწავლეებმა შეაჯამეს საგაკვეთილო თემები:
თვეები
კვირის დღეები
წელიწადის დროები
დაამზადეს კალენდრები,რომლებიც მათთვის გამორჩეული თარიღებით შეავსეს.
მოცემული აქტივობა საშუალებას აძლევს მათ მიღებული ცოდნა პრაქტიკაში გამოიყენონ, განივითარონ წერითი უნარები და განიმტკიცონ ლექსიკური მარაგი.
 

სკოლა - ჩვენი ემოციების სახლი
ზოგჯერ გარემო გვავალდებულებს, რომ სულ ბედნიერები, მხიარულები და ლაღები ვიყოთ. სინამდვილეში კი, დღის მანძილზე უამრავ ემოციას ვგრძნობთ და ეს ბუნებრივია.
სადამრიგებლო საათზე II კლასის მოსწავლეებმა განახორციელეს აქტივობა: სკოლა - ჩვენი ემოციების სახლი.
აქტივობის აღწერა:
გონებრივი იერიში - რა ემოციები გვაქვს ხოლმე ადამიანებს? თქვენ რა ემოციებს განიცდით სკოლაში დღის მანძილზე? რა ფერია თითოეული ემოცია?
მოსწავლეებმა იმსჯელეს ემოციების გამომწვევ მიზეზებში, გაიხსენეს როგორც თავიანთი გამოცდილება, ასევე გამოთქვეს ვარაუდებიც, მაგალითად, რამ შეიძლება გაგვაბრაზოს სკოლაში?
დაასახელეს ემოციები, რომელთაც ყველაზე ხშირად გრძნობენ სკოლაში;
ისაუბრეს, თუ როგორ უნდა დაეხმარონ ერთმანეთს.
ამ აქტივობით მოსწავლეებმა გაიაზრეს, რომ:
- შიში, ბრაზი, იმედგაცრუება, მოწყენილობა, სიხარული, ბედნიერება, შიმშილი - ყველა ემოცია მნიშვნელოვანი და ბუნებრივია, შესაბამისად მნიშვნელოვანია ვიცოდეთ რას ვგრძნობთ, რატომ ვგრძნობთ და როგორ შეიძლება ვიგრძოთ თავი სხვანაირად.
მოსწავლეებმა ამოჭრეს წიგნის სანიშნეები, რომელთაც სიმბოლური მნიშვნელობა აქვს (რჩევები, როგორ გავაკონტროლოთ ემოციები).
აქტივობა ეხმარება მასწავლებელსაც, მოსწავლეების ემოციების გაგებასა და მხარდაჭერაში.