II კლასი
ქართული ენა და ლიტერატურა
შესწავლილი ტექსტების გამოკითხვის პროცესი საინტერესო და მრავალმხრივად სარგებლიანი რომ იყოს, მოსწავლეებს ვსთავაზობთ შემდეგ მეთოდებს:
* მოყოლა I პირში;
* წამზომი;
* მოყოლა III პირში;
* ,,ცხელი სკამი”;
* პერსონაჟის აღწერა უხმოდ.
აღნიშნულმა აქტივობამ მოსწავლეების მოწონება დაიმსახურა, რომელიც ცერა თითის მეთოდით შეაფასეს.
 

VII კლასის მოსწავლეებმა ფიზიკის გაკვეთილზე წარმოადგინეს რეფერატის პრეზენტაცია „სიჩქარისთვის ბრძოლა“.
მოსწავლეებმა გაინაწილეს კატეგორიები: ავტოტრანსპორტი, საჰაერო ტრანსპორტი, სარკინიგზო ტრანსპორტი, საზღვაო ტრანსპორტი.
მოიძიეს ინფორმაცია ტრანსპორტის განვითარების შესახებ;
დაალაგეს ინფორმაცია სიჩქარის ზრდის მიხედვით, დაურთეს სვეტოვანი დიაგრამები და რეფერატი წარმოადგინეს კლასის წინაშე.
 

VIII კლასის მოსწავლეებმა ფიზიკის გაკვეთილზე წარმოადგინა კომპლექსური დავალება თემაზე: „ რატომაა მნიშვნელოვანი სხეულთა წონასწორობის პირობების ცოდნა“.
მოსწავლეებმა თეორიული ცოდნა წარმოადგინეს პრეზენტაციის სახით, შეასრულეს პრაქტიკული დავალება“სხეულის წონასწორობის მდგრადობის პირობების დადგენა“ და შექმნეს საკუთარი კონსტრუქციები.
საბოლოოდ გააკეთეს დასკვნა: სხეულის მდგრადი წონასწორობა მიიღწევა, თუ მათზე მოქმედი ძალების ტოლქმედი ნულია, რაც უფრო დიდია საყრდენი ფართობი და რაც უფრო დაბლაა სხეულის სიმძიმის ცენტრი.
 

III -IV კლასის მოსწავლეები ესტუმრნენ მოზარდმაყურებელთა თეატრს და ნახეს სპექტაკლი ,,საშობაო ზღაპარი".
საახალწლო განწყობამ ნამდვილად დაისადგურა მოსწავლეთა გულებში და გაუასმაგა მათ სადღესასწაულო მოლოდინი.
 

III კლასის მოსწავლეებს უკვე აქვთ შარშანდელი წლის გამოცდილება და მეტად თავდაჯერებულად, რთული სიტყვებით შეეჭიდნენ გამოწვევებს დამაცვლის კონკურსში - "Spelling Bee"
კონკურსი 3 ეტაპად წარიმართა.
მოსწავლეებმა თითოეულ რაუნდში თავი ამაყად და დამაჯერებლად წარადგინეს.
მონაწილეებს გადაეცათ პერსონალური სერთიფიკატები და სიმბოლური პრიზები.