I კლასის მოსწავლეებს უკვე შეუძლიათ 10 ლარის ღირებულების საგნების შეძენა ეროვნული ფულის ნიშნებით.
მათ, 1- ლარიანი, 2- ლარიანი მონეტებითა და 5- ლარიანი ბანკნოტით, წარმოადგინეს რიცხვი 10-ის შემადგენლობა.
მოცემული დავალება ჯგუფებში შეასრულეს.
აქტივობის მიზანი :
10-ის შემადგენლობის გააზრება;
მოსწავლეთა შორის თანამშრომლობისა და სოციალიზაციის უნარის განვითარება;
მოსწავლეთა შორის თანაგრძნობის და სხვისი აზრის გათვალისწინების უნარის განვითარება.

IV კლასის მოსწავლეებმა მათემატიკის გაკვეთილზე, სივრცითი წარმოდგენების განვითარების მიზნით, სხვადასხვა სივრცული ფიგურების მზა შლილებისგან შექმნეს მათი მოდელები.
მოახდინეს ნამუშევრების პრეზენტაცია - სივრცითი ფიგურების ელემენტებში ამოიცნეს ბრტყელი გეომეტრიული ფიგურები.
გამოკვეთეს კავშირი სივრცით და ბრტყელ ფიგურებს შორის.
მიზანი: სისტემაში მოიყვანონ გეომეტრიულ ფიგურებს შესახებ მიღებული ცოდნა, განიმტკიცონ შესაბამისი უნარ-ჩვევები.

II კლასი - ინტეგრირებული გაკვეთილი
საგნები: ქართული ენა და ლიტერატურა - მათემატიკა
მოსწავლეებმა წაიკითხეს ზღაპარი ,,ოცეულა”, გამოთქვეს ვარაუდები, გაიაზრეს ტექსტი, ილუსტრაციები დააკავშირეს ეპიზოდებთან, უპასუხეს კითხვებს, განმარტეს ახალი სიტყვები, გამოავლინეს რიხვის მართლწერასთან დაკავშირებული საკითხების ცოდნა.
მოსწავლეებმა დაასახელეს ათეულები ასის ფარგლებში და განმარტეს შემთხვევით შერჩეული რიცხვების ათეულებისა და ერთეულების თანრიგი.
შექმნეს ფერადი, ცოდნის განმტკიცებისთვის აუცილებელი რესურსი და განათავსეს საკლასო ოთახის კედელზე.
ინტეგრირებული გაკვეთილი მოსწავლეებს ეხმარებათ სინთეზური აზროვნების განვითარებაში; საინტერესოსა და სახალისოს ხდის სასწავლო პროცესს; ამასთანავე, ამაღლებს მოტივაციას.
გაკვეთილს ესწრებოდა დირექტორის მოადგილე ხარისხის მართვის მენეჯერი - ირმა ლორია, დაწყებითი კლასების კათედრის ხელმძღვანელი - ნათია ჯალაღონია, მათემატიკის პედაგოგი - ნანა ხაჩიძე.
 

II კლასი
საგანი: ქართული ენა და ლიტერატურა
თემა: ,,საახალწლო ლექსიკონი”
მოსწავლეებმა, ტექსტის წაკითხვის შემდეგ, დაამზადეს საახალწლო ბარათები, მათზე კი ის სიტყვები დააწერეს, რომლებსაც საახალწლო ლექსიკონში შეიტანდნენ (ალილო, ჩურჩხელა, ჩიჩილაკი, მეკვლე, სიკეთე, ბედნიერება, სიხარული, სიყვარული).
აღნიშნული მეთოდით, მოსწავლეებს გაუმდიდრდათ ლექსიკური მარაგი და მარტივად დაამახსოვრდათ ახალი სიტყვების განმარტებები.
 

IV კლასის მოსწავლეებმა ბუნების გაკვეთილზე შეისწავლეს ხერხემლიანი ცოცხალი ორგანიზმების საყრდენ მამოძრავებელი სისტემა, ჩონჩხი. მოდელირებული ადამიანის ჩონჩხის საშუალებით მოსწავლეები გაეცნენ საყრდენ მამოძრავებელი სისტემის ძირითად შემადგენელ კომპონენტებს.