კლასი Xა
საგანი: XIX-XX საუკუნის დასავლური ლიტერატურა
მოსწავლეებმა წარმოადგინეს პრეზენტაციები ალბერტ კამიუს რომანის „უცხო“-სა და ფრანც კაფკას „მეტამორფოზა“-ს შესახებ. სამუშაოს ფარგლებში მათ გააანალიზეს თითოეული ტექსტის შინაარსობრივი და იდეური მხარეები, რის შემდეგაც შეადარეს ერთმანეთს აღნიშნული ნაწარმოებები.
პრეზენტაციებში ყურადღება გამახვილდა ორივე ტექსტისთვის დამახასიათებელ საერთო თემებზე, როგორიცაა ადამიანის გაუცხოება საზოგადოებაში, ინდივიდის მარტოობა, არსებობის აბსურდულობა და პიროვნებისა და სოციალური გარემოს კონფლიქტი. მოსწავლეებმა აღნიშნეს, რომ კამიუსა და კაფკას გმირები განსხვავებულ რეალობებში მოქმედებენ, თუმცა ორივე მათგანი აღმოჩნდება გარემოსგან გარიყულ მდგომარეობაში და ვერ ახერხებენ სრულფასოვან კომუნიკაციას საზოგადოებასთან.
განსხვავებების განხილვისას მოსწავლეებმა გამოყვეს ტექსტების ჟანრობრივი და სტილისტური თავისებურებები. აღინიშნა, რომ „უცხო“ ეფუძნება რეალისტურ გარემოს და ფილოსოფიურ გააზრებას, ხოლო „მეტამორფოზა“ ფანტასტიკური ელემენტის მეშვეობით გადმოსცემს ადამიანის შინაგან ტრაგედიას. ასევე გაანალიზდა მთავარი პერსონაჟების დამოკიდებულება ცხოვრებისადმი და მათ მიერ რეალობის აღქმის განსხვავებული ფორმები.
ცალკე ყურადღება დაეთმო სიმბოლოების ანალიზს. მოსწავლეებმა იმსჯელეს მზის, სიცხისა და სიცარიელის სიმბოლურ მნიშვნელობებზე კამიუს ტექსტში, ასევე გრეგორ ზამზას გარდაქმნის მნიშვნელობაზე კაფკას ნოველაში, როგორც ადამიანის გაუფასურებისა და დეჰუმანიზაციის სიმბოლოზე.
დასასრულს, პრეზენტაციებმა ცხადყო, რომ მოსწავლეებმა შეძლეს ტექსტების სიღრმისეული გააზრება, კრიტიკული ანალიზი და ლიტერატურული პარალელების გამოვლენა, რაც მიუთითებს მათ მიერ თანამედროვე მსოფლიო ლიტერატურის მნიშვნელოვანი საკითხების გააზრებულ აღქმაზე.
 

დეკემბერი სამოქალაქო განათლებისთვის განსაკუთრებული თვეა.
პირველი დეკემბერი მონობის გაუქმების საერთაშორისო დღე.
ათი დეკემბერი ადამიანის უფლებათა საერთაშორისო დღე.
აღნიშნულთან დაკავშირებით, მე-11 კლასის მოსწავლეებმა იმუშავეს და წარმოადგინეს პრეზენტაციები ისეთ თემებზე, როგორებიცაა:
იძულებითი შრომის ეკონომიკური დინამიკა და მისი გლობალური შედეგი.
ტრეფიკინგი 21-ე საუკუნეში: მონობის თანამედროვე კონსტრუქცია.
საერთაშორისო სამართლისა და ორგანიზაციების როლი მონობის წინააღმდეგ ბრძოლაში.
ისტორიული მეხსიერება და მონობის მემკვიდრეობა თანამედროვე საზოგადოებაში.
მონობის ლეგიტამაციის იდეოლოგიური საფუძველი და მისი დემონტაჟი.
 

კლასი Xბ
საგანი: XIX-XX საუკუნის დასავლური ლიტერატურა
მოსწავლეებმა იმუშავეს რეი ბრედბერის რომანზე „451 ფარენჰაიტი“, რომლის განხილვისას ყურადღება გაამახვილეს ტექსტის ძირითად იდეებზე, პრობლემატიკასა და მის აქტუალობაზე თანამედროვე საზოგადოებაში. გააანალიზეს, თუ რამდენად მნიშვნელოვანია წიგნში წამოჭრილი საკითხები როგორც ინდივიდუალური, ისე სოციალური თვალსაზრისით.
დისკუსიის ფარგლებში გამოიკვეთა ცოდნისა და წიგნების როლი ადამიანის თავისუფლების ფორმირებაში. მოსწავლეებმა აღნიშნეს, რომ რომანში წიგნების განადგურება სიმბოლურად გამოხატავს აზროვნების კონტროლსა და კრიტიკული აზროვნების შეზღუდვას. განსაკუთრებული ყურადღება დაეთმო მასმედიის გავლენას ადამიანზე და ტექნოლოგიების როლს პიროვნების გაუცხოებაში.
ასევე გაანალიზდა მთავარი გმირის, გაი მონტაგის, შინაგანი ტრანსფორმაცია — პროცესი, რომლის დროსაც იგი თანდათან აცნობიერებს წიგნების, ცოდნისა და თვითშემეცნების მნიშვნელობას. მოსწავლეებმა იმსჯელეს პერსონაჟის არჩევანზე, პასუხისმგებლობაზე და პიროვნული თავისუფლების ფასზე.
განხილვისას გამოიკვეთა რომანის წინასწარმეტყველური ხასიათიც. პარალელები გაავლეს ტექსტში ასახულ მოვლენებსა და თანამედროვე რეალობას შორის, მათ შორის ინფორმაციულ გადატვირთვას, ზედაპირულ გართობასა და სიღრმისეული აზროვნების დეფიციტზე.
საბოლოოდ, მოსწავლეებმა დაასკვნეს, რომ „451 ფარენჰაიტი“ დღესაც აქტუალური ნაწარმოებია, რომელიც მკითხველს აფიქრებს თავისუფლების, პასუხისმგებლობისა და განათლების მნიშვნელობაზე, რომელიც მოუწოდებს მათ გააზრებული, დამოუკიდებელი აზროვნებისაკენ.
 

III კლასის მოსწავლეებმა საგაკვეთილო თემის მიხედვით ,,Funny sandwich"-მოამზადეს.
მოსწავლეებმა ნახეს ვიდეო რგოლი
დაამუშავეს უცხო სიტყვები
წაიკითხეს და თარგმნეს ინგრედიენტები
ბოლოს კი, თავად გახდნენ მთავარი პერსონაჟები.
პ.ს ფაქტებზე დაყრდნობით, საგაკვეთილო პროცესი, ასეთი გემრიელი ჯერ არ ყოფილა
 

გასვლითი ღონისძიება: ალავერდის მონასტერი ახალი შუამთის მონასტერი.
მოსწავლეებმა გასვლითი ღონისძიების ფარგლებში მოინახულეს ალავერდისა და ახალი შუამთის მონასტრები. მოსწავლეები სასიამოვნო ემოციებით დატვირთულები დაბრუნდნენ.