კიდევ ერთი წარმატების გაზიარება გვსურს! ჩვენი მე-12 კლასის მოსწავლე, ანა ანდღულაძე სწავლას ევროპისა და მსოფლიოს ერთ-ერთ ყველაზე პრესტიჟულ ბიზნესსკოლაში — ESCP Business School-ში, მენეჯმენტის საბაკალავრო პროგრამაზე გააგრძელებს!
განსაკუთრებით საამაყოა ის ფაქტი, რომ ანამ მოიპოვა — 26,037 ევროს ოდენობის დაფინანსება და თავის სტუდენტურ ცხოვრებას დიდი ბრიტანეთში, ლონდონის კამპუსში დაიწყებს!
ESCP Business School მსოფლიოში ერთ-ერთი უძველესი და წამყვანი ბიზნესსკოლაა, რომლის კურსდამთავრებულებიც გლობალურ ასპარეზზე წარმატებულ ლიდერებად გვევლინებიან. ანას ეს გამარჯვება მისი დაუღალავი შრომის, ნიჭისა და მიზანდასახულობის დამსახურებაა.
სკოლა „ერუდიტი“ ულოცავს ანა ანდღულაძეს ამ ბრწყინვალე მიღწევას!
 

სიხარულით გვინდა გაცნობოთ, რომ სკოლა „ერუდიტის“ XII კლასის მოსწავლე, მარიამ მალაციძე, ესპანეთის ერთ-ერთ პრესტიჟულ უნივერსიტეტში — UCAM Universidad Católica de Murcia-ში ჩაირიცხა!
მარიამი სწავლას ფსიქოლოგიის ფაკულტეტზე გააგრძელებს. სკოლა „ერუდიტი“ ამაყობს თავისი მოსწავლის მიღწევით და მარიამს წარმატებულ სტუდენტობას, დასახული მიზნების მიღწევასა და საინტერესო პროფესიულ გზას უსურვებს!
 

საინტერესო შეკითხვები, წამზომის ხმა და დაძაბული წუთები - ასეთი იყო „რა? სად? როდის?“ ფინალი.
ფინალური ეტაპი ემოციური და დაძაბული აღმოჩნდა, სადაც გუნდებს შორის ქულების სხვაობა მინიმალური იყო.
საბოლოოდ, გამარჯვებულის ტიტული და დამსახურებული „ბუ“ XI კლასის გუნდმა მოიპოვა!
ვულოცავთ მეთერთმეტეკლასელებს ამ ბრწყინვალე გამარჯვებას!
მადლობას ვუხდით ყველა მონაწილეს საინტერესო თამაშისთვის.
განსაკუთრებულ მადლობას ვუხდით ღონისძიების მთავარ ორგანიზატორებს: სკოლის თვითმმართველობის პრეზიდენტს - გივიკო ლეფსვერიძეს და თვითმმართველობის წევრებს - ტექნიკური და საორგანიზაციო საკითხების უნაკლოდ მართვისთვის;

ვაგრძელებთ ჩვეულ ტრადიციას და მშობლებთან თანამშრომლობის მიზნით, მათ აქტიურად ვრთავთ სასწავლო პროცესში მასწავლებელთა მოკავშირეებად. ჩვენ ერთად ვემსახურებით საერთო მიზანს.
დღეს სკოლა „ერუდიტში“ განსაკუთრებული და მნიშვნელოვანი შეხვედრა გაიმართა.
ჯანმრთელობის მსოფლიო დღის აღსანიშნავად მოსწავლეებს ესტუმრა ჩვენი სკოლის მშობელი, ექიმი თერაპევტი, ალერგოლოგ-იმუნოლოგი, მედიცინის მეცნიერებათა დოქტორი. თავდაცვის ძალების ვიცე-პოლკოვნიკი ქალბატონი ნანა კინწურაშვილი, რომელმაც საინტერესო და სასარგებლო ინფორმაცია გაუზიარა მათ.
შეხვედრის ფარგლებში, მოსწავლეებმა მიიღეს ცოდნა პირველადი დახმარების შესახებ, გაეცნენ სხვადასხვა საგანგებო სიტუაციებში სწორად მოქმედების წესებსა და პრიორიტეტებს, ისწავლეს, როგორ შეიძლება ადამიანის სიცოცხლის გადარჩენა მარტივი, მაგრამ დროული რეაგირებით.
შეხვედრა იყო ინტერაქციული - სტუმარმა პრაქტიკულად აჩვენა პირველი დახმარების აღმოჩენისთვის საჭირო უნარ-ჩვევები, რომლებმაც განსაკუთრებით დიდი ინტერესი გამოიწვია მოსწავლეებში.
მსგავსი აქტივობები მნიშვნელოვნად უწყობს ხელს მოზარდებში პასუხისმგებლობის, ყურადღებისა და ჰუმანური ღირებულებების ჩამოყალიბებას.
 

სკოლა „ერუდიტის“ მოსწავლეებმა მონაწილეობა მიიღეს ვაკის რაიონის გამგეობის მიერ ორგანიზებულ შემეცნებით და ინტელექტუალურ თამაშში - „რა? სად? როდის?“.
ღონისძიებაში სკოლა წარმოდგენილი იყო ორი გუნდით.
მოსწავლეებმა გამოავლინეს მაღალი ცოდნა, ლოგიკური აზროვნება და გუნდური მუშაობის უნარი. მათი გამოსვლა გამოირჩეოდა ორგანიზებულობითა და მაღალი ჩართულობით.
!