სიკეთე მაშინ არის დიდი, როდესაც მასში მთელი საზოგადოება მონაწილეობს.
აღდგომის ბრწყინვალე დღესასწაულთან დაკავშირებით, სკოლა „ერუდიტში“ განსაკუთრებული საქველმოქმედო აქცია გაიმართა.
სკოლის თვითმმართეველობის ინიციატივითა და ადმინისტრაციის, პედაგოგებისა და მშობლების აქტიური მხარდაჭერით, აქციის ფარგლებში: შეგროვდა სხვადასხვა სახის არამალფუჭებადი პროდუქტები. ნობათი გადაეცათ ადგილობრივ ტაძრებს, საიდანაც პროდუქტები იმ ოჯახებს დაურიგდებათ, ვისაც ეს ყველაზე მეტად სჭირდებათ.
ამ აქციამ კიდევ ერთხელ დაგვანახა, რომ ჩვენი სკოლა ერთი დიდი ოჯახია, რომელსაც საერთო ღირებულებები აერთიანებს.
 

სკოლა „ერუდიტის“ X კლასის მოსწავლის წარმატება საერთაშორისო ასპარეზზე.
სკოლა „ერუდიტის“ მე-10 კლასის მოსწავლემ, ბარბარე ბოხაშვილმა, 2026 წელს მონაწილეობა მიიღო აშშ-ში გამართულ ერთ-ერთ ყველაზე მასშტაბურ საერთაშორისო კონფერენციაში — NHSMUN.
ნიუ-იორკში ჩატარებული ახალგაზრდული დიპლომატიური ფორუმი წარმოადგენს უნიკალურ პლატფორმას, სადაც მონაწილეები იძენენ მნიშვნელოვან გამოცდილებას როგორც ინდივიდუალური, ასევე გუნდური უნარების განვითარების მიმართულებით.
კონფერენციაში დელეგატად მონაწილეობა ბარბარე ბოხაშვილისთვის მნიშვნელოვანი ნაბიჯი იყო პიროვნული ზრდისა და საერთაშორისო გამოცდილების მიღების გზაზე.
 

სკოლა „ერუდიტის“ მოსწავლეები იმყოფებოდნენ სოფლის მეურნეობის სამეცნიერო-კვლევითი ცენტრის ჯიღაურას ბაზაზე, სადაც აგრარული მეცნიერების პრაქტიკულ და კვლევით მიმართულებებს გაეცნენ.
მოსწავლეებმა დაათვალიერეს ბაზაზე არსებული ხეხილისა და ვაზის საკოლექციო ნარგაობები, ასევე, ვაზისა და ღვინის სამუზეუმო სივრცე.
დაათვალიერეს ხეხილის ბაღში წარმოდგენილი ჯიშები, გაეცნენ კოლექციის მნიშვნელობას და აგროტექნიკურ თავისებურებებს; პრაქტიკულად აჩვენეს, როგორ მიმდინარეობს ნარგაობის სხვლა-ფორმირება და რა პრინციპებზეა დაფუძნებული თანამედროვე ბაღის მართვა.
მოსწავლეებს ესაუბრნენ საქართველოს მევენახეობა-მეღვინეობის მრავალსაუკუნოვან ისტორიასა და ტრადიციაზე;

სკოლა „ერუდიტში“ გაიმართა საინფორმაციო და შემეცნებითი შეხვედრა საქართველოს ეროვნული უნივერსიტეტი-ის წარმომადგენლებთან. უნივერსიტეტის თანამშრომლებმა მოსწავლეებს გააცნეს უმაღლესი განათლების თანამედროვე ტენდენციები, სასწავლო პროგრამები და ის მნიშვნელოვანი საგანმანათლებლო პროექტები, რომლებსაც უნივერსიტეტი წარმატებით ახორციელებს. შეხვედრის ფარგლებში განსაკუთრებული ყურადღება დაეთმო აბიტურიენტებისთვის განკუთვნილ შესაძლებლობებს, სტუდენტურ აქტივობებს, საერთაშორისო გაცვლით პროგრამებსა და პროფესიული განვითარების პერსპექტივებს. სტუმრებმა დეტალურად ისაუბრეს უნივერსიტეტის ინფრასტრუქტურაზე, სასწავლო გარემოსა და სტუდენტების მხარდამჭერ მექანიზმებზე. მოსწავლეებს შესაძლებლობა ჰქონდათ დაესვათ მათთვის საინტერესო კითხვები და მიეღოთ ამომწურავი ინფორმაცია სასწავლო მიმართულებებისა და კარიერული დაგეგმვის შესახებ.
სკოლა „ერუდიტი“ მადლობას უხდის საქართველოს ეროვნული უნივერსიტეტის წარმომადგენლებს ნაყოფიერი თანამშრომლობისთვის და იმედოვნებს, რომ მსგავსი შეხვედრები მომავალშიც გაგრძელდება მოსწავლეების პროფესიული ორიენტაციისა და ინფორმირებულობის ამაღლების მიზნით.

School “ERUDITI”, Pearson Edexcel და English Book Education
10 თებერვალს სკოლა “ერუდიტში”, English Book Education-თან თანამშრომლობის ფარგლებში, 7–12 კლასის მოსწავლეებისთვის ჩატარდა Pearson International Level Test.
ტესტირების მიზნია ინგლისური ენის ცოდნის დონის შეფასება საერთაშორისო სტანდარტების შესაბამისად, რაც მოიცავდა სამ ძირითად უნარს: კითხვას (Reading), მოსმენასა (Listening) და წერას (Writing).
მსგავსი საერთაშორისო შეფასებები ხელს უწყობს მოსწავლეთა აკადემიური პროგრესის ობიექტურ ანალიზს და ქმნის მყარ საფუძველს მათი შემდგომი საგანმანათლებლო განვითარების დაგეგმვისთვის.
აღნიშნული ტესტირება სკოლას აძლევს შესაძლებლობას, ზუსტად განსაზღვროს მოსწავლეთა ენობრივი კომპეტენციები და სწავლების პროცესი მოარგოს თითოეული მოსწავლის ინდივიდუალურ საჭიროებებს.
ამავდროულად, საერთაშორისო სტანდარტებზე დაფუძნებული შეფასებები ამყარებს სკოლის საგანმანათლებლო სტრატეგიას და ხაზს უსვამს სკოლის საგანმანათლებლო მიმართულებას ხარისხზე, განვითარებასა და გლობალურ აკადემიურ სივრცესთან ინტეგრაციაზე.